ATMA hnuaia Farmer's Friend ten training neiin mi 4 hnenah 'ATMA District Award' hlan a ni

Agricultural Technology Management Agency (ATMA) Serchhip District chuan nimin khan ATMA hnuaia Farmer's Friend te tan an hnathawh dan tur inzirtirna neiin he hunah hian ATMA hnuaia Farmers hna thawk \ha mi 4 te hnenah 'ATMA District Award' an hlan.

Nimin a Serchhip Agriculture Conference Hall-a Farmer's Friend te tana Farmers Scientist Interection buatsaih hi ATMA Serchhip District-a Deputy Project Director, Lalchhuanawma chuan kaihruaiin Lalremruata, Block Technology Manager (ATMA) chuan he huna kalkhawm Farmer's Friend te chu an hnathawh dan turah zirtirna a pe a. Farmer's Friend te chu ATMA hnuaia thawktu pawimawh tak pakhat an nih thu sawiin, loneitute nen thawhhona \ha tak an neih theihna tura zirtirtu tur leh a \ul anga finchhuaha Department te nena thawkho tur an nih thu a sawi a. Farmer's Friend hi khaw pahnih tan mi pakhat zel ruat tur a nih angin Serchhip District chhunga khaw 48 enkawl turin mi 24 ruat an nih thu leh an hna thawh tur te chu theihtawp chhuaha thawk turin a chah bawk.
He hunah hian ATMA Serchhip District hnuaia Department pali (4)-a loneitu hna thawk \ha thlanchhuah te hnenah 'ATMA District Award' semchhuah niin Sericulture Department a\angin Mugha (Nauthak) Pangang khawitu, V. Sangluaia, Chhiahtlang chuan lawmman dawngin Fisheries Department a\angin Hmangaihthanga, Zozam Veng chuan lawmman a dawng bawk a. AH & Vety Department a\angin Vawk vulhtu K. Lalrammawia, P&E Veng in District Award hi dawngin Land Resources, Soil & Water Conservation Department a\angin Rubber chingtu C. Lalsangzuala, AOC Veng chuan ATMA District Award hi a dawng bawk a, he ATMA District Award hian pawisafai Rs. 25,000/- leh Citation a kengtel a, nimin a District Award dawngtu mi pahnih, V. Sangluaia, Chhiahtlang leh Hmangaihthanga, Zozam Veng te hian kar kalta khan Mizoram puma hnathawktu \ha chawimawina an lo dawng tawh bawk a ni.
Nimin a he hun hmanna ah hian ATMA hnuaia Department hrang hrang 4-a mithiam te chuan he huna kalkhawmte chu zirtirna pein Sangha no khawi leh enkawl dan chungchangah Kaptluanga, FD, Fisheries chuan zirtirna pein Muga Pangang khawi dan chungchangah Janet D. Sailo Facilitator, Sericulture Department chuan zirtirna a pe a, Ranvulh chungchangah Dr. R. Lalmakthanga, Chief Veterinary Officer in zirtirna pein Mizoram tana Organic Farming kalpui dan tur chungchangah JH. Laldingliana, RO, LRS&WC chuan zirtirna a pe bawk a ni.

Comments

Popular posts from this blog

PAN CARD an tih teh fo hi - Laldinpuia