Rilru lama harsatna nei te enkawl dan chungchang zirhona Serchhip-ah neih a ni

National Mental Health Programme (NMHP) buatsaihin nimin khan Serchhip-ah Mental Health chungchang zirhona neih a ni a. He hunah hian YMA, MUP leh MHIP aiawhte telin mithiam hrang hrang ten zirtirna an pe a. He hunah hian Serchhip-a rilru lama harsatna nei an enkawl zingah Zu leh ruihtheih thil kaihhnawih an tam ber tih tarlan a ni.

Serchhip CMO Conference Hall-a Outreach (Awareness) on Mental Health hi Serchhip District Medical Superintendent, Dr. ZD. Lalmuanawma chuan kaihruaiin he huna khuallian Serchhip CMO, Dr. Laldawngliana Sailo chuan mitin te hian rilru hrisellohna kan neih \heuh thu leh a nasat dan leh a thawh dan erawh a inanglo mai tih sawiin, hetiang kawng harsatna nei te chuan mithiam te rawn nachang hriat hma a pawimawh thu a sawi a. He huna kalkhawmte pawh an thil zir te hmang \angkaia mithiam te rawn nachang hriat hma a pawimawh zia zirtirtu nih tum tura chahin, an awmna hmun \heuhah rilru hrisel neih chungchang zirtirtu nih tum turin a chah bawk.
He hunah hian Clinical Psychologist, Biakhluzuali Chenkual chuan he hun an buatsaih chhan te sawiin, mi hrisel ni tur chuan kan taksa bakah kan rilru lam thlenga hrisel nih a ngaih thu a sawi a. Rilru hrisel te chuan harsatna an tawh pawhin midang tana hnawksak lova an paltlang mai \hin thu sawiin, rilru lama harsatna nei te hi kum 18 a\anga 49 inkar ni ber mah se rilru lama harsatna nei zinga intihlum ah kum 70 te pawh an awm avangin engtik hunah pawh he harsatna hi tawk thei reng kan ni tih kan in hriat a pawimawh thu a sawi a. Hei vang hian mitin ten rilru hrisel nei tura \an kan lak a \ul thu a sawi bawk.
He hunah hian Dr. Robert L. Khawl-hring, State Nodal Officer, NMHP; Biakhlu-zuali Chenkual, Clinical Psychologist, Zothansangi Sailo, Community Nurse, Jane Zodingliani Lailung, Clinical Psychologist leh C. Lalmuanchhani, Psychiatric Nurse ten thupui thlanbik hrang hrang hmangin kalkhawmte hi zirtirna an pe a. Alzheimer's Disease and Related Disorders Association a\angin an President, Vanneihtluanga pawhin he hun hi rawn hmanpuiin Alzheimer natna avanga harsatna tawk te enkawl dan te a tarlang bawk.

Comments

Popular posts from this blog

PAN CARD an tih teh fo hi - Laldinpuia