Serchhip Police ten Phone rukbo pali a neitute an pe let
.jpeg)
Serchhip Police te hian Mobile Phone rukbo an hnena Report te chu CEIR Portal kaltlang hian a zawnchhuah hna an thawk thin a, nimin khan Mobile Phone rukbo an chhuichhuah pali (4) te chu a neitute hnenah hlan letin heng zingah hian nikum October leh November thlaa bo pakhat ve ve bakah kumin April thlaa bo pahnih te a ni a, an zinga pathum hi April thla khan hmuhlet niin pakhat hi tun thla a hmuhlet a ni thung a, Serchhip P&E Veng, Chanmari Veng leh Ramthlun Veng bakah Thenzawl-a mi pakhat te a ni.
Tun tum hi Serchhip Police ten CEIR Portal kaltlanga Mobile Phone rukbo an chhuichhuah a neitute hnena an hlan tum thumna a ni a, a hmasa ber atan kumin January thla khan mi 6 te hlanin April thla khan 5 an hlan leh a, tuna an hlan nen hian Mobile Phone bo 15 te chu a neitu hnenah an hlan let ta a ni.
Central Equipment Identity Registry (CEIR) hi Network Operator hrang hrangte data khaikhawmtu niin, Network pakhatin a blacklist tawh chuan Network dang SIM Card pawh vuah se IMEI hmangin hman theih loha siam (block) leh chhui (track) theihna a ni a. “Misual in kan phone an lo ru emaw, kan lo ti bo emaw anih chuan block turin ceir.gov.in-ah kan ngen thei a, Police Station-ah poh CEIR hmanga block turin kan report thei bawk a ni,” an ti bawk.
Comments
Post a Comment
I ngaihdan i sawi hian mipui ngaihdan i tarlang a ni!