Lenkawl

Aizawl khawpui Traffic jam tiziaawm tura hmalak dan tur ngaihtuahin nimin zing khan Chief Minister, Zoramthanga chuan Vaivakawn leh Bawngkawn junction a enfiah.

Tun thla ni 21 khan The Mizoram Victims of Crime Compensation (Amendment) Scheme, 2016 kaltlangin Serchhip District-a BLP chhungkua vanduaina tawk mi 8 te hnenah zangnadawmna Rs. 23,25,000/- chu semchhuah a ni a, mi 4 te chuan Rs. 4,50,000/- dawngin mi 3 in Rs. 75,000/- an dawng bawk.

Kristian te Hunpui, Krismas chu boruak muanawm tak hnuaiah Serchhip-ah hman liam a ni ta a, thil duhawmlo thleng a awm hriat a ni lo.

Rural Development Minister, Lalruatkima chuan nimin khan a pisa-ah Rural Development Department Directorate a thawktute kawmin an Department hmalakna hrang hrang a sawipui.

Health Minister, Dr. R. Lalthangliana chuan niminpiah khan Aizawl Civil Hospital Aizawl tlawhin Ward hrang hrangte tlawhin damlo hman turin HI-Tech Medical & Surgical Unit a hawng nghal bawk a. Zemabawk-a Cancer Hospital leh RIPANS te pawh a tlawh nghal bawk.

Electoral Roll Special Summary Revision neih tur atan nimin khan Serchhip District chhunga Booth Level Officer te tan training chu Serchhip-ah neih a ni.

Nakum-a Lok Sabha inthlanpui neih tur inbuatsaihna chi khat atana rampuma Electoral Roll ennawn hna thawh tur chu nimin khan Mizoram-ah neih \an niin Serchhip-ah pawh Integrated Draft Roll tarchhuah a ni a. Electoral Roll siam thar chu nakum February 22-ah tarchhuah tura ruahman a ni.

Indian Oil Corporation Ltd.-a Chief Divisional Retail Sales Manager, Alok D. Dutta chuan Mizoram-ah Petrol Pump tam zawk hawn belh tum niin a sawi.

Mizoram sawrkar-a minister te leh  an hna chanpual thar te

Mizoram sawrkar-a minister te leh  an hna chanpual thar te

Serchhip District Rifle Association (SDRA) chuan Inrinni khan kumthar 2019 atana an hruaitu tur thlanna neiin President-ah Saihmingthanga Sailo (Ramthlun Veng), Vice President-ah Lal-biakdika (Bazar Veng), Secretary-ah PC. Lalrin-zuala (Venglai), Asst. Secretary-ah J. Lalnunpuia (Venglai), Treasurer-ah Lalbiakzuala (Chan-mari Veng) leh Fin. Secretary-ah Malsawma Ralte (Bazar Veng) te an thlang a, he inthlanna hi Serchhip District Sports Committee kaih-hruaina a neih a ni.

Serchhip IOC Veng Branch YMA chuan an Branch hming chu ‘Chhekhnai Branch YMA’ tia thlak relin tunhnai khan a \ul anga hma lak sak turin Serchhip Sub-Hqrs. YMA-ah an thlen a. Serchhip Sub-Hqrs. YMA Executive Committee chuan he rawtna hi pawmin Central YMA ah thlen turin an ti a ni.

MZP Inter High School Quiz 2018 Final chu Zirtawpni zan khan zawhfel a ni a, St. Pauls Higher Secondary School chu pakhatna an ni.

Chief Minister, Zoramthanga chuan a kaihhruai sawrkar chuan a tir phat a\angin Development Programme \ha taka a kalpui nghal theih a beisei thu a sawi.

Mizoram Assembly thar din taka Protem Speaker tura ruat, Er. Lalrinawma (MNF) chu Mizoram Larsap, Kummanam Rajasekharan chuan Inrinni chawhnu khan Protem Speaker ni turin a lalut.

Inrinni kalta khan Zoramthanga kaihhruai MNF sawrkar chu lakluh a ni ta a. Mizoram Larsap chuan Chief Minister atan MNF President, Zoramthanga bakah Council of Minister atan mi 11 te rinawmna thu tiam tirin a lalut a. Mizoram sawrkar-ah Cabinet Minister 6 leh Minister of State 6 an awm dawn a ni.

Mizoram sawrkar-a Tourism Department buatsaih Winter Festival 2018 chu Tuirial Airfield-ah hman mek niin Vawiin hian zawhfel a ni ang.

Serchhip District Anti-Tobacco Squad leh Traffic Police te chuan nimin khan Serchhip-ah mihring phur chi lirthei khalhtu leh a mi chuang te zingah Meizuk khapna dan bawhchhia mi 4 an man.

MNF East Block Serchhip chuan nimin khan Executive Committee \hutkhawm neiin Assembly inthlanpui neih zawh tak thlirletna an nei.

Nimin khan Serchhip-ah ‘District Level Awareness Campaign on Climate Change Adaptation & Mitigation’ neih a ni a, he hun hi Serchhip District Addl. DC, Chuauhnuna chuan khuallian niin a hmanpui a ni.

India Sipai ten Dec. 16-a an hman \hin, Pakistan sipai te an Hnehna Ni, Vijay Diwas chu nimin khan Mizoram-ah sawrkar ruahman angin hman a ni.

SEDP kan sawi \hin kha kan kalpui dawn - Zoramthanga MNF Party chuan nimin khan Aizawl-a Mizo Hnam Run-ah 'Pathian hnena lawmthu sawina hun' an hmang a, he hunah hian MNF MLA thar mi 26-te chu Thangchhuah Diar bahtir an ni bawk. He hunah hian an President, Zoramthanga chuan SEDP chu an kalpui dawn tih a sawi bawk.

Mizoram Assembly inthlanpui a bial 40-a MLA thlan thar 39 zinga a zatve aia tam 20 zet chu MLA vawikhat an tlinna a ni a, an zinga 14 te chu bial 26 a hnehna chang MNF MLA te an ni a. ZPM MLA thlantlin 8 zinga 5 chu a vawi-khatna a tling an ni a, Congress MLA tling 5 zinga pakhat chu a vawikhatna a ni bawk.

National Trade Union of Mizoram (NTUM) chuan nimin khan Aizawl Vanapa Hall-ah General Assembly an hmang.

Serchhip District Consumers Forum chu niminpiah khan Serchhip District Court-ah \hukhawmin thubuai lut te an ngaihtuah a, Dam-dawi zuar, damdawi MRP aia Rs. 20/- a to a hralhtu chu dan a bawhchhiat avangin Rs. 3000/- chawitir a ni a, Refrigerator warranty period chhung a chhia, a zuartu ten a leitu te a repair man chawi tir an tum chu, a thlawn a repair tur leh Rs. 2000/- chawi tur a tih a ni bawk.

Govt. Higher Secondary School Serchhip chuan kumin a Mizoram School Games-a Volleyball-a pakhatna an nih lawmna nimin khan neiin Advance Krismas an hmang nghal bawk.

Serchhip District Magistrate in thupek alo chhuah tawh bawhzuiin nimin khan Serchhip-ah Halpuah leh halmawi chi hrang hrang bakah silai lem (a mu kapchhuak chi) dapchhuah hna thawh a ni.

MNF Legislature Party leh Election Directorate te chu nimin khan \hukhawmin inthlanpui neih zawh tak leh an kal zel dan tur an sawiho.

‘Halleluiah Chorus nen bul kan \an dawn’ - Ruatkima Mizoram Assembly Member thlanthar te chu karleh Thawhlehni, December ni 18 khian a vawikhatna atana \hukhawm turin Larsap, Kummanam Rajasekhar chuan a ko a. MNF Legislature Party Secretary, Lalruatkima, MLA chuan MNF sawrkar thar chu ‘Halleluiah Chorus’ nen bul an \an dawn tih a sawi.

Serchhip-a Agriculture Department buatsaihin nimin khan Agriculture Complex, Ser-chhip ah Organic Fair under PKVY Scheme neih a ni.

Zoramthanga kaihhruai MNF sawrkar thar lakluh ni tur atan tun thla ni 15 (Inrinni) ruahman a ni.

Mizoram Assembly inthlannaa vote tla chhiar zawh takah vote tla zinga MNF Party candidate ten an hmuh zat belhkhawm chu zaa 38 chuang a ni.

Tunkar Thawh\anni a\anga Leisekawt Mual a neih Serchhip South Zone Middle School Sports chu nimin khan zawhfel a ni a.

Serchhip Dawngzawl-a awm 159th Battalion BSF te chuan Faina kawnga hmalakna chikhat atan nimin khan Serchhip damdawi In leh a vel thenfai hna an thawk.

Serchhip East MNF Block chuan MNF Party hmanga sawrkar thar lo piang chu rorelna dik  kengkawhtu sawrkar a lo nih theihna turin Serchhip mipuite \awng\aipuina an ngen.

Nimin chawhnu khan Aizawl-a Secretariat Conference Hall-ah Social Welfare Secretary, K. Vanlalrawni hovin ruihhlo dona chungchanga inrawnkhawmna ‘Consultative Meeting on Drug Prevention Module for Mizoram’ neih a ni.

Mizo Students’ Union (MSU) General Hqrs. chuan nimin khan Aizawl-a MSU Pisa pui kharna hun an hmang a, kumthar January 22-ah an hawng leh ang.

ZPM chuan nimin khan Aizawl-a an Office-ah Chhung Inkhawm neiin Pathian hnena lawmthu sawia \awng\ai rualna an nei a. Hemi hnu hian ZPM a\anga Independent-a thlantlin MLA te chu inhmukhawm nghalin ZPM Legislature Party dinin hruaitu tur an thlang nghal bawk.

Candidate Party Vote

26-SERCHHIP (ST) A.C.

Mizoram State Legislative Assembly inthlanpui-a Vote tla te chu nimin khan tluang taka chhiar zawh niin MNF Party chuan Party mal-a sawrkarna siam thei khawpin hnehna an chang a. Minister leh MLA nilai zingah he inthlanna a chak zo lova tla an awm nual thung.

Tunkar Thawhlehni a\anga Reiek khuaa Zofest hman chu nizan khan zawhfel a ni a. Nimin a Zofest hman chu Ebenezer Siami, MP Myanmar chuan khuallian nia hmanpuiin Mizoram Lok Sabha MP, CL. Ruala chuan Uaptu niin a hmanpui bawk.

MZP General Hqrs. President, L. Ramdin-liana Renthlei chuan Zohnahthlak hmun hrang hranga chengte chu an \awng\ai chhanna an nih thu a sawi.

Serchhip North Zone Middle School Sports chu nimin khan zawhfel niin a pumpui ah Presbyterian English School Serchhip chuan point 129 hmuin pakhatna an ni.

Mizoram Higher Secondary School Gmaes neih zawh takah Govt. Higher Secondary School Mipa team te chu an champion.

Ministry of Human Resource Development hnuaia Department of School Education and Literacy enkawltu Secretary, Pi Rina Ray chuan Mizoram rawn tlawhin nimin khan Aijal Club Conference Hall-ah Mizoram sawrkar-a Education Officer te a kawm.

Mizoram State Legislative Assembly inthlanpui neiha Serchhip District-a vote tla te chhiar turin inbuatsaihna ngawrh taka kalpui mek a ni a. Serchhip District chhung Assembly bial pathum-a MLA inthlanpui-a Vote tla te chhiar tura ruat te tan nimin khan Serchhip DC’s Conference Hall-ah Training neih a ni.

Zonunmawi - Sarah Lalrinsangi

SDFA buatsaih L&L Football Tournament khelh mekah nimin khan Semi Final khelh zawh niin New Serchhip FC leh Chhekhnai FC ten Final an khel ang.

Serchhip District Volleyball Association buatsaih Serchhip District Volleyball Championship chu Vawiin hian Semi Final khelh a ni dawn.

Mizoram Synod Inkhawmpui rorel ni hnihna chu nimin Ningani khan chhunzawm a ni a, rawngbawlna chungchanga thil pawimawh tak tak an rel.

Kisama Village, Kohima, Nagaland-a Hornbill Festival 2018 hman mek ni 6-na, nimin a neih chu Mizoram Larsap, Kummanam Rajasekharan chuan khuallian niin a hmanpui a, Kum 2000 a\ang khan Hornbill Festival hi kumtin, a hmun ngaiah hian December  ni  1 a\anga ni 10 thleng hman \hin a ni.

Chief Secretary, Arvind Ray hovin nimin khan sawrkar mi pawimawh ten Mizoram sawrkar thar lakluhna hun, ‘Swearing in Ceremony’ neih dan tur an sawiho.

Reiek khuaa Zofest vawi 8-na hman mek chu nimin khan chhunzawm niin, Zokhua Reiek hmunah Cultural Day hman a ni a. He hun hi Cross Remliana, Councellor, Rangamati Hills District Council Bangladesh chuan khuallian niin a hmanpui a ni.

Persons with Disability (PWD) Commissioner, Dr. Lalnunthara chuan nimin khan Mamit tlawhin Mamit DIPRO Office Chamber-ah Chan-chinbu mite a kawm.

Mizoram Assembly inthlanpui a Vote tla te chui karleh Thawhlehni-a a ruala chhiar turin inbuatsaihna ngawrh taka kalpui mek a ni.

Mizoram sawrkar in Chain-Saw khuah-khirhna a siam hnuah Thenzawl DFO hnuaia Chain-Saw nei, la register lo te chu tun thla ni 15 hmaa register tura hriattir an ni.

Mizoram sawrkar chuan pawnler-a bawlh-hlawh hal khap a nih thu leh he khapna bawh-chhia te chu pawisafai chawitira hrem theih an nih thu a sawi.

Khawvel huap infiamna lama inelna Mizoramin a thlen hmasak ber tur nia hriat, Pre-World Cup Mizoram Open Para-Gliding Accuracy Landing Championship chu nimin khan Serchhip Chuanhnuai-ah neih \an a ni a. Nizan hmasa khan he Championship hawnna hi Serchhip Auditorium-ah neih a ni.

Nimin khan Aizawl District-a Police hotute leh Central YMA hruaitute, MKHC hruaitute leh MIMA hruaitute chuan Joint Meeting neiin kumin Krismas leh Kumthar lo thleng tur vuak-veta Halpuah leh a kaihhnawih hrang hrangte leh Silai lem, a mu kapchhuak thei chi te mitin ten an zawrh lohna tur leh an hal emaw, an hman lohna tura hmalak dan tur sawiho a ni a. Kumin ah hian Aizawl District leh hmundangah pawh Halpuah leh a kaihhnawihte tumah zuarlo tur leh hmang lo turin mipuite an ngen bawk.

Aizawl-a MNF Party Office, Mizo Hnam Run chu rawk niin Mizo Hnam Run rawktu hi chhuichhuah a nih tawh thu MNF party chuan an sawi.

PRISM Party chuan nimin khan Mizoram MLA inthlanpui thlirletin party hmasawnna ah an lawm tih an sawi a. Lok Sabha MP thlan turah candidate neih ngei ni se an ti bawk.

Serchhip Vengchung Branch K|P te chuan nimin khan Serchhip Blood Bank-a dah turin thisen Unit 20 an pe. Kumin a Serchhip Veng-chung Pastor Bial K|P inkhawmpui in an Bial hminga thisen pek an rel tih hlawhtlinna kalzelah Serchhip Vengchung Pastor Bial K|P te hian Serchhip Blood Bank-a dah turin thisen Unit 20 hi an pe a, thisen petute hi mipa 14 leh Hmeichhia 6 niin Blood Bank-ah kalin an thisen hi an pe a ni. Serchhip Vengchung Pastor Bial huamchhung ah hian K|P Branch 5 awmin heti hian Branch tin te hian AVBD Serchhip Branch te ruahmanna angin thisen hi an pe kim ta a ni.

Serchhip North Zone Middle School Sports chu nimin khan DC’s Playground, Khawtetlang-ah neih \an a ni a, Serchhip SDEO, Vanlalchhana chuan khuallian niin a hawng a ni.

Serchhip District Volleyball Association buatsaih, Serchhip District Volleyball Championship-2018 chu nimin khan Leisekawt Mual, Serchhip-ah khelh \an a ni.

Serchhip District chhung khaw hrang hrang Registrar of Birth & Death te tana Annual Training tunkar Thawh\anni a\anga District Research Office Conference Hall, Serchhip-a neih chu nimin khan chhunzawm leha zawhfel a ni.

Mizoram Assembly inthlanpui neiha Vote tla te tun thla ni 11-a chhiar turah Kolasib District-a Vote tla chhiar turte tana training chu nimin khan Kolasib I&PR Conference Hall-ah neih a ni.

Vote thlakna khawl hman laklawh laia a \hatloh avanga Vote thlak \ha tura Election Commission of India in Vote thlak \ha tura a tihna, Lawngtlai District-a 36-Tuichawng (ST) Assembly Constituency hnuaia Ajasora Polling Station-ah nimin khan tlung taka vote thlak zawh niin Vote zaa 87.03 a tla.

Kum 1990 October thla a\anga kumin September thla thleng khan Mizoram-ah HIV hrik pai hmuhchhuah mi 18,278 awm tawhin HIV/AIDS vanga thi mi 2,149 an awm tawh a, HIV hrik kai chhan zingah mipat hmeichhiatna hman khawloh a\anga kai an tam ber a ni.

Nikum June 18-a Mizoram Police-ten Cham-phai Khankawn Check Gate-a an man Heroin Hawng 34 chungchangah nimin khan Champhai Special Court chuan thutlukna siamin Special Court Judge, R. Vanlalena chuan Heroin neitu a puh Rolian\huama S/o Rokhuma, Seling khua nia inchhal chu kum 18 chhung hrehawm taka Lung In tang tur leh Rs. 90,000/- chawi turin a chungthu a rel sak.

Serchhip District Football Association in a buatsaih, L&L Football Tournament chu nimin a\ang khan Quarter Final khelh \an a ni.

Zoram Drivers’ Union (ZDU) huaihawtin nimin a\ang khan Mizoram pumah Drivers’ Week chu hman \an leh a ni a, Serchhip-ah pawh he Hapta hi nimin zing khan Serchhip Bazar-ah a hawnna neih a ni.

ZPM Chief Ministerial Candidate, Lalduhoma chuan tun thla ni 11-a Assemly inthlanpui result puan turah ZPM chuan hnehna a chan ngei a beisei thu sawiin, Seat 26 an lak tlin a rin thu a sawi.

‘International Day of Persons with Disabilities’ chu nimin khan Marian Hall, Serchhip P&E Veng-ah hman a ni a, he hun hi Serchhip District Education Officer leh RMSA Serchhip District-a District Project Coordinator, Lawmawma chuan khuallian niin a hmanpui a ni.

Mizoram State Legal Services Authority (MSLSA) Member Secretary, Vanlalenmawia chuan Zirtawpni khan Aizawl Armed Veng-a Aizawl District Jail chu tlawhin mi tang te dinhmun a enfiah.

HIV/AIDS A HLAUHAWM LOH ! - Papuia

Federation Aeronotique Internationale (FAI) hriatpui Category 2 Pre-World Cup Para-Gliding Accuracy Mizoram Open 2018 chu Dec. ni 4-8, 2018 chhungin Serchhip Chuan-hnuai ram ah neih a ni dawn ta.

Mizorama nu naupai thisen test zingah za zela 1.19 in HIV hrik an pai tih hmuhchhuah a ni.

Mizo Zirlai Pawl (MZP) huaihawtin naktuk, Dec. 4 a\anga tun thla ni 7 thleng khian Reiek khua ah Zofest neih a ni dawn.

Assembly inthlanpui neiha Vote thlak zawh a nih hnuah Vote chhiar hna \ha taka zawhfel a nih theih nana inbuatsaihna thlirin nimin khan State Election Team chuan Serchhip an rawn tlawh a. Serchhip DC Office-a Strong Room leh Counting Hall tura ruahman te chu an fangkual bawk.

Assembly inthlanpui neih zawh taka BJP Official Candidate te chu nimin khan Aizawl-a BJP Mizoram Pradesh, President Office-ah in-hmukhawmin inthlanpui neih zawh tak thlirletna an nei.

MPCC President, Lal Thanhawla chuan Assembly inthlanpui neih zawh takah Party \enkhatten sum an chelek nasa hle tih hi phat rual a ni lo, a ti.

Mizoram State Legal Services Authority (MSLSA) chuan The Mizoram Victims of Crime Compensation Scheme 2011 hnuaiah zangna-dawmna Rs. 3,19,57,000 a pechhuak tawh.

PRISM Party chuan Assembly inthlanpui neih zawh taka Candidate te zinga Criminal Case nei te chungchang nimin khan Mizoram CEO hnenah an thlen.

Mizoram Larsap, Kummanam Rajasekharan chuan vantlang rawngbawlna kawngah Mizoram-a Kohhran ten hna an thawk \ha hle tih a sawi.

Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin December 4, 2018-ah Vote thlak \hat a ni dawn.

Nimin khan India hmarchhak State hrang hrangah Zirlai Pawl te chuan 'Citizenship Amendment Bill 2016' duhlohna lantirin hun an hmang a, hemi ang hian Aizawl-ah pawh MZP General Hqrs. bultumin Citizenship Amendment Bill duhlohna hun hi hman a ni.