Lenkawl

Mizoram puma Electoral Roll siam\hat hna thawh zawh a nih hnuah nimin khan Final Electoral Roll chu tarchhuah a ni ta a, he Electoral Roll thar hi kumin a Assembly inthlanpui neih tura hman tura ruahman niin Serchhip District chhung Polling Station hrang hranga Vote nei thei zat tlangpui chu hetiang hi a ni :

North Vanlaiphai Joint MHIP chuan nimin khan Conference neiin he hun hi bialtu MLA leh Minister of State ni bawk, Vanlalawmpuii Chawngthu chuan a hmanpui a ni.

MIFCO Board of Directors Meeting vawi 85-na chu nimin khan Aizawl-ah NIB Conference Hall-ah MIFCO Chairman, PC. Zoram Sangliana MLA hovin neih a ni a, he Meeting hian sawrkarin Mizoram 7th Pay Rules a tihchhuah chu MIFCO-a hnathawkte hman tura pawmin Bung Bangla-a ran talhna leh sa sawngbawlna hna kal mek leh tui thianghlim in tur siamna (Packages Drinking Water Project) chu kumin chhunga peihfel hman tura buatsaih dan tur sawiho a ni. He huna tarlan danin MIFCO in Sapthei a leina chu kumin July 1 a\ang khan Rs. 15/-ah tihsan a ni a, kumin April-August chhung khan sawrkar ah Chhiah cheng nuai 88.57 an chhunglut a ni.

Nimin Sept. 27, 2018 kha Mizoram Rural Bank (MRB) din champha ‘BANK DAY’ vawi 36-na a ni a. He ni pual hian MRB Serchhip Town Area-a Branch hrang hrang-MRB Serchhip, MRB New Serchhip leh MRB Chhiahtlang Branch te chuan Customer te tan ei leh in siamin hun an hmang a, Tlai lamah a huhovin hnathawktute’n hun an hmang bawk.

Nimin khan RMSA Serchhip District Project Office buatsaihin Serchhip-ah District Level Children Science Congress-2018 neih a ni.

Presbyterian Mizoram Synod Rorel Inkhawm in alo rel tawh angin nimin khan Serchhip District pum huap ‘Kohhran Inpumkhatna leh Thawhhona’ tih thupui hmangin Seminar neih a ni.

Kumin January ni 1-a kum 18 tling chinte laa Electoral Roll Special Summary Revision vawi hnihnachu zawhfel niin nimin khan Final Electoral Roll chu tarchhuah a ni ta a. He Electoral Roll thar hi Mizoram Assembly inthlanpui lo awm tura hman tur niin Serchhip District pumah vote nei thei 49,283 an awm a ni.

Sawrkar ram pek fimkhur a \ul

Chief Minister, Lal Thanhawla chuan tun kum sawm chhung hian nasa takin sawrkar Department-te tichangtlung tura hmasawnna ruhrel hmuh tur a awm tih sawiin, heng hmalakna te ti hlawhtling tura tha thawhtute chungah lawmthu a sawi.

Mizoram Assembly inthlanpui neih tura Serchhip District chhunga Sector Officers te tan nimin khan an hna thawh dan tur zirhona neih a ni.

Nimin khan Sericulture Department buat-saihin N. Vanlaiphai-ah Pangang khawi lama tui mite tan ‘Workshop on MUGA’ (Under IMSDP) neih a ni a, he hun hi Sericulture changtu Minister of State, Vanlalawmpuii Chawngthu chuan khuallian niin a hmanpui.

Mizoram State Rural Livelihoods Mission (MSRLM) hnuaia Scheme pakhat, Aajeevika Grameen Express Yojana (AGEY) hmalakna in nimin khan Chief Minister, Lal Thanhawla chuan Self Help Group (SHG) thawk \ha thlanchhuahte hman tur motor 30 chu Tlangnuam BDO Pisa, New Secretariat Complex a\angin a vailiam. 

Mizoram sawrkar-a Principal Secretary Home Department, Lalnunmawia Chuaungo kaihhruaia din Mizoram leh Assam ramri chung-chang ngaihtuah tu tur Comittee sang Core Committee din thar \hutkhawm hmasa ber chu neih a ni.

Nimin September 25, 2018 khan Swachh Bharat Mission (G) PHED buatsaihin Lal Than-hawla Higher Secondary School, Serchhip-ah Observation of Swachhagrahiyo Ke Swachhagrahi hman a ni.

Mizoram Assembly inthlanpui lo awm tur atana Serchhip District-a mawhphurhna pawi-mawh tak tak kengtu atana ruat Nodal Officers te chu nimin khan Serchhip District Election Officer, Sangchhin Chinzah hovin a Pisa-ah an \hukhawm.

Rashtriya Uchchattar Shiksha Abhiyan (RUSA) hnuaia Govt. Serchhip College Academic Building sak thar chu nimin khan Chief Minister, Lal Thanhawla chuan a hawng.

Chief Minister, Lal Thanhawla chuan nimin khan cheng nuai 233.53 senga Serchhip Chanmari Veng-a DIET Serchhip Institutional Building sak thar chu a hawng a, he hun hi School Education Minister, H. Rohluna pawhin Khual Zahawm niin a hmanpui a ni .

Nimin khan Alan Lalmuanpuia, State Coordinator, NE Technical Support Unit, MSACS chuan Serchhip khawpui leh a chhehvela HIV/AIDS natna darh zel venna tur atana DIC, OST Centre leh ICTC-a thawktute tha tihchak zelna tur atana MSACS in hmalakna an duan tharte zirhona rawn neihpuiin, Serchhip District chhunga HIV/AIDS darh zau zel tur ven hna thawktute hmalakna kalmek leh hnathawh dan kawng hrang hrangte a enfiah a, MSACS hnuaiah hian Serchhip-a ICTC, OST Centre leh Drop-in-Centre ah hian thawktu 11 an awm mek a ni.

Nimin khan PHE Department Engineer-in-Chief Er. Lalmuanzova chuan Serchhip rawn tlawhin, Serchhip-a PHE Department ram hum-halh dan tur a en.

Rashtriya Poshan Maah (National Nutrition Mission) Day pualin nimin chawhma dar 10:30 khan Little Flower Convent School, Ser-chhip chuan Serchhip P&E Veng-a an School tual a\anga Serchhip Bazar thleng kawngzawh, Poshan Rally neiin he hun hi SSA Mission, Serchhip District huaihawta neih a ni.