Lenkawl

A&C Minister in hawng

Serchhip Bye-Election Candidate te bihchianna - Laldinpuia

Nimin khan Health Minister, Dr. R. Lalthangliana hovin COVID-19 Second Wave lo thawk mek chungchang sawihona neih a ni.

Serchhip bial Assembly bye-election neih tura MPC Candidate, Vanlalruata chuan nimin chawhma lam khan Neihloh khua tlawhin In tin lut lawrin a campaign a, hemi hnu hian Then-zawl tlawh lehin campaign a nei chhunzawm bawk a ni. Hetihlai hian PC Party hruaitu then-khat te chuan Serchhip khawchhung an thutchilh mek thung a ni.

Serchhip bial-a MNF Candidate, Vanlalzawma chuan nimin khan Serchhip District Hospital tlawhin Serchhip CMO, Dr. Laldawngliana Sailo nen inkawmna an nei a, Serchhip Bial mipui ten MLA atana an thlantlin chuan District Hospital Serchhip building upa tawh tak, kum 1961-a lo din tawh chu tha zawk leh changtlung zawka thuam a nih theih nan hmalak a tum thu a sawi a ni.

Serchhip bial Assembly bye-election neih tura Candidate te sum hman dan endikna hmasa ber chu Vawiin hian neih turin Expenditure Observer chuan a ruat a, Candidate te Expenditure Agents te leh Expenditure Monitoring Cell a thawktute leh mi pawimawh te telin April 12 leh 15-ah te endik leh tur a ni ang.

Tun thla ni 14 atanga ni 20 chhung khian ‘Fire Service Week-2021’ chu hman a ni leh dawn a, kangmeiin chhiatna a thlen theih laka kan him theuh nan hemi denchhen hian Serchhip District Bawrhsap, Kumar Abhishek IAS chuan mihring chenna huamchhungah dan lo anga Gas, Petrol leh Diesel zawrh loh tur a ni tih thuchhuah siamin a tarlang a, he thu bawhchhiaa a zuar lui an awm a nih chuan an chungah dan anga action lak a nih tur thu a tarlang bawk.

Serchhip District Election Officer chuan April 17-a Serchhip bial Assembly bye-election neih turah Vote thlak ni (Poll Day) a mipuite zawm tur hriattirna a tichhuak.

MNF Vice President, Lalthlengliana chuan Serchhip bial mipuite chu MNF Official Candidate, Vanlalzawma thlangtling turin a ngen.

Tunhnaiah Serchhip District-ah chhan hriatloh in Vawk 11 zet an thi tawh a, hemi avang hian nimin khan Serchhip-ah ramri kaltlanga ran natna inkaichhawn theih hrang hrang laka inven dan tur chungchang inzirtirna neih a ni.

Serchhip bial-a Assembly bye-election neih tur atana inbuatsaihna chu ngawrh taka kalpui mek zel niin Vote thlakna khawl, Electonic Voting Machine (EVM) hman turte pawh nimin khan tihfel a ni a. Postal Ballot-a Vote thlak turte tan nimin vek khan Training pawh neih nghal a ni bawk.

PWD EE hlui thiamlo chantir

Chief Minister Zoramthanga hova Council of Minister te nimin a thukhawm chuan hri leng vanga Volunteer Duty, hri vanga nunna chan te Ex-Gratia Payment pek an remti.

Niminpiah khan Mizoram-ah Sample enfiah 735 atangin COVID-19 hri kai mi 9 zet hmuh belh leh an ni a, tun thla chhunga hri kai hmuhchhuah tam ber ni a ni.

Nimin khan Joint Action Committee On Amalgamation of GAD & SAD chuan GAD leh SAD chhunfin duhlohna an lantir.

Election Commission of India in Serchhip bial Assembly bye-election neih tura Expenditure Observer tura a ruat, Pankaj Upadhyay IDAS chuan nimin khan Expenditure Monitoring Cell a thawktute leh Political Party aiawhte a kawm.

Pawl 12 zirlaite tan nimin atang khan Mizoram pumah Higher Secondary School Leaving Certificate (HSSLC) Exam neih tan niin April 30 khian zawhfel a ni ang.

National Health Mission (NHM) Programme hnuaia Damdawi In fai leh tha thlanna, Kaya-kalp kalpui mekah nimin khan Serchhip District Hospital dinhmun rawn enfiah a ni.

April 17-a Serchhip bial Assembly bye-election neih tura Candidate te tan nimin khan Mizoram People Forum (MPF) Serchhip District chuan Common Platform an buatsaih a, he hunah hian Candidate 6 te telin mipuite hmaah thu an sawi a ni.

ZPM Research Wing chuan Serchhip Bial chauh ni lo, Mizoram siamtha tura rahbi hmasa ber chu Serchhip Bial-a Assembly bye-election neih tur a ni tih sawiin, Serchhip Bial mipui remtihna ni lova paih tak MLA thlang nawn leh turin Serchhip Bial mipuite an ngen tih an sawi.