Lenkawl

Lai Autonomous District Council (LADC) sawrkar-a harsatna awm mek chinfel hna chu Gauhati High Court, Aizawl Bench chuan Mizoram Larsap kutah a dah nia thudawn a ni a, hetihlai hian District Council and Minority Affairs Department chuan ruat seat luahtu MDC ten sawrkar bukna ah Vote an thlak theilo tih a sawi thung.

All Mizoram Village Council Association (AMVCA) chuan Finance Ministry in Mizoram VC te tualchhung hmasawnna tura cheng nuai 4544 a pekchhuah chu tun thla ralhmaa Mizo-ram sawrkar in a pechhuak lo a nih chuan All Mizoram Village Council Association kaihhruaiin nawrhna an kalpui dawn tih an sawi.

PRISM Party chuan Mizoram Governor chu 'The Mizoram Maintenance of Household Register Bill, 2019' a pawm duh loh avangin kan Hnam hmelma ni hiala an ngaih thu an sawi.

MPCC President, Lal Thanhawla chuan Congress Party in sawrkar-na a siam leh hunah Medical Research Centre kan neih leh tur thu a sawi.

Mizoram Youth Commission (MYC) Chairman, Dr. Vanlal\anpuia chuan nimin khan a Office Chamber-ah Asia Pacific Youth Exchange (APYE) Programme, Seoul, South Korea-a Mizoram Team-te Meeting neihpuiin he Programme atana hriat tur pawimawh hrang hrang an sawiho.

Mizoram-a tlawmngai pawl hrang hrang- YMA, MHIP, MUP, MZP leh MSU te telna, NGO Coordination Committee huaihawtin nimin chhun khan Central YMA Hall, Tuikhuahtlang ah 'Draft National Education Policy-2019' zirhona neih a ni a. Sawrkar leh Pawl hrang hrang aiawh 14 telin he Bill dodalna neih dan tur chu NGO Coordination Committee kutah dah a ni.

Serchhip District Superintendent of Police, R. Sathiyasumdaram IPS chuan Serchhip Town chhunga Town Bus kal dan a mumal zawk nan leh a hmangtu mipuite remchan zawkn atan Town Bus Stand leh dinna tur hmun a siam thar a. Hemi ang hian Serchhip Bazar-a Blessed Store kawt-a Stand a awm bakah IOC-a DC Office peng, Fire & Emergency Services peng, Kudam kawn, College peng, Kikawn, Bukpui leh Chhiah-tlang-ah te Bus dinna siam a ni anga. Bazar a\anga chhimlam ah CMS School peng, Farm mual, Darnam tlang, Darnam kawr, Sailiam-a Presbyterian Biak In peng leh Sailiamkawn-ah te Bus dinna hi siam a ni bawk.

Serchhip Sub-Hqrs. YMA Health & Sanitation Committee leh Serchhip-a UD&PA Department \angkawp chuan nimin khan Serchhip-a zirna In hrang hrangah Faina chungchang inzirtirna an buatsaih.

Kumin September ni 5-a Zirtirtute Ni, Teachers’ Day hman dan tur ngaihtuahin nimin khan Serchhip-ah District Level Committee for Celebration of Teachers Day chu Serchhip District Bawrhsap, Sangchhin Chinzah hovin an \hukhawm.

Serchhip District-ah khaw 2 dah belh a ni dawn Mizoram sawrkar chuan Mizoram-a District thar pathum (3) te ramri tur chu a tifel ta a, hemi rual hian Lunglei District chhunga awm \hin Zote South leh Kanghmun South te pawh Serchhip District chhunga awm tawh tura tih niin Serchhip District hi a hma aiin a zau hret dawn a ni.

Independence Day Football Tournament chu nimin khan Quarter Final khelh zawh niin New Serchhip FC, P&E Veng FC, Hmar Veng FC leh AWC FC ten Semi Final an lut.

MSU Regional Hqrs. Lunglei chuan tun dinhmunah Official-a chhinchhiah danin Lunglei District-ah dan lova khaw din 12 a awm mek thu an sawi.

BJP Mizoram Pradesh chuan sawrkar laipui in India ram danpui Article 370 leh 35A a nuaibo ta chu lawmawm an tih thu sawiin, Central sawr-kar in Article 371 hnawlin, India hmarchhak mipui te dinhmun pawh a ti derthawng dawn nia sawi chu mipui rilru hruaisual tumna niin an sawi.

MZP in Zirlaibu-ah Zo hnam ziarang \hahnem zawk telh a nih theih nana hmalak an lo rel tawh angin nimin khan hemi chungchang hi MZP General Hqrs. hruaitute chuan School Education Minister, Lalchhandama Ralte hovin an sawiho.

Serchhip-a awm 8th Bn. Assam Rifles te chuan nimin khan St. Joseph’s School, Zo-khawthar-ah lem inziahsiakna an buatsaih. 23 Sector Assam Rifles/IGAR (E) hnuaia awm 8th Assam Rifles in India Independence Day vawi 73-na lo thleng tur puala zirlai naupangte tan lem inziahsiakna an buatsaih ah hian zirlai naupang 188 zet telin lawmman semna neih nghal a ni bawk. Zokhawthar-a Zirtirtu leh zirlaite chuan hetianga Assam Rifles ten India Independence Day puala zirlai naupangte tana intihsiakna an buatsaih chu lawmawm an tih thu an sawi bawk.

National Rural Livelihood Mission (NULM) hnuaia Serchhip khawpui chhunga Self-Employment Programme (SEP) a\anga Individual Enterprise Loan la turte tana Entrepreneurship Development Programme (EDP) Training chu nimin khan Serchhip UD&PA Conference Hall-ah chhunzawm leha zawhfel a ni a. Nimin a he Training-ah hian chawhma lamah Financial Literacy Campaign neiin chawhnu lamah sawihona hun hmangin zawhna leh chhanna hun hman zui a ni a. Hemi hnu hian a kharna hun tawi hmangin he hunah hian Serchhip DUDO, Vanthangpuii chuan he training a tel te hnenah hian Certificate a hlan nghal bawk.

Mizoram Police Wives Welfare Association (MPWWA) Serchhip Unit chuan nimin khan an dinchampha vawi 4-na an lawm.

National Deworming Day (NDD) pualin nimin khan Serchhip-a naupang kum khat a\anga kum 19 inkarte hnenah Rulhut hlo pek beihpui thlak a ni.

Nimin khan All Mizoram Farmer Association (AMPFA) chuan thuthar thehdarhtute kawmin, Mizoram-a Ar vulha eizawng mek ten harsatna an tawh mek thu leh an Ar lian hralh rual tawh tam tak chu hralh hleih theih lohvin a bawk \hup niin an sawi.

Environment, Forests & Climate Change Department chuan nimin khan Aizawl-a PCCF Conference Hall-ah Review Meeting neiin he hun hi EF&CC Minister, TJ. Lalnuntluanga chuan a hmanpui.