Lenkawl

Mizoram hmun hrang hranga World Bank sum hmanga inkalpawhna kawngpui sial ah thing\iak nuai khat chuang phunna tur ruahmanna siam a ni.

South Tuipui bialtu MLA leh Health Minister, Dr.R.Lalthangliana chuan Inrinni zing khan Hnahthial District tih puitlinna turah Hnahthial khawchhunga Sawrkar Department hrang hrang ram dinhmun a enfiah a, June 15 ralhmain an dinhmun leh mamawhte chu ziakin a hnenah thehlut turin Pisa hrang hrang hotute chu ngen bawk.

Thenzawl Pastor Bial K|P te chuan Inrinni khan Serchhip Blood Bank-a dah turin thisen Unit 59 an pe. Thenzawl Pastor Bial K|P te hian Central K|P in thisen pek Calendar an siam zulzuiin thisen pekna hun hi Thanzawl Vengsang Community Hall-ah an buatsaih a, he hunah hian Bial chhunga K|P member mi 59 ten thisen hi pein thisen petute hi mipa 43 leh hmeichhia 16 an ni a, heng mi tlawmngai te thisen la tur hian Serchhip a\angin District Medical Superintendent, Dr. ZD. Lalmuanawma hovin thawktute an kal a ni.

Tunhnaia Serchhip District-a dan lova lakluh Vawk an man te chu Court thuchhuak angin Inrinni khan Serchhip District Magistrate rua-hmanna angin tihral a ni.

Mizoram Liquor Prohibition Act (MLPA) pass a nih hnuah Mizoram a dan anga Zu zawrh khap a nih tak avangin Mizoram chak lakna hnai ber, Inter-State ramri depa Lailapur (Assam)-ah Zu dawr te an in hawn leh \an thu Vairengte Excise Department hotute chuan an sawi.

Chief Minister, Zoramthanga’n Aizawl khawpui chhung a\anga Zokhawsang-a Assam Rifles sawnchhuah theih a la nih rih loh chhan chu Sawrkar hmasa-in kum 10 chhung hmala lova a muttluk san vang niin a sawi.

Serchhip Sub-Hqrs. YMA Vigilance & Monitoring Committee chuan Inrinni khan Kei\um leh Khawlailung inkar, Tuichang Lui-a Lei dawh mek chu tlawhin hnathawh kal mek an enfiah a. Hnathawh tawh chin chu \ha thawkhata an hriat thu sawiin, huntiam chhunga zo hman tura theihtawp chhuah turin an chah bawk.

Union Minister thar te leh an Ministry chanpual

Mizoram Bar Association-in June thla tir a\anga Aizawl khawpuia lirthei intlanchhawk dan thar hman tur duh lova Gauhati High Court-a an khin avangin High Court chuan he Order hi June 6 thleng atan a Stay sak.

Health Minister, Dr. R. Lalthangliana chuan nimin khan Thenzawl khawchhunga a Department chan Office pawimawh hrang hrangte tlawh-kualin, an hmalak mekna te a enfiah a, an mamawh an thlente ngaihthlaksak in, theihtawp chhuaha hmalak anih tur thu a sawi.

Chhiahtlang HSS chuan nimin khan HSSLC Exam result chhuakta a an result \hat lawmna an nei a, he hun hi bialtu MLA leh Assembly Deputy Speaker, Er. Lalrinawma chuan a hmanpui a ni.

 Tunhnaia Serchhip-a Dan kalha Vawk lak-luh man chu Vawiin chawhnu dar 1:00 hian Ser-chhip Slaughter House-ah lilam a ni dawn.

Indian Army Recruitment Rally 2019 neih turah hmeichhe Sipai/Police lak a ni leh dawn tih sawrkar thuchhuah chuan a tarlang a. He hna dil duhte tan June 30, 2019 thleng dilna thehluh theih a ni ang.

Serchhip NGO Coordination Committee hruaitute chuan Serchhip damdawi In a Surgeon thawklai thlaktu awm lova sawn chungchang chu nimin khan Health Minister hnenah an thlen.

Reserve Bank of India (RBI) bultumin nimin khan Thenzawl Bazar Veng-a Vantawng Group YMA Run-ah 'Town Hall Meeting on Micro, Small and Medium Enterprises' neih a ni a, Ser-chhip District Bawrhsap, Sangchhin Chinzah chuan khuallian niin a hmanpui.

Nimin khan khawvel pumah Vaihhlo leh a kaihhnawih \hatloh zia inzirtirna Ni, World No Tobacco Day hman a ni a, Serchhip-ah pawh he Ni pual hian hun hman niin kumin hian ‘Tobacco & Lung Health’ tih chu thupui ah hman a ni.

Excise & Narcotics Minister, Dr. K. Beichhua chuan Zu khap chungchangah mipuite thawhpuina an mamawh dawn thu a sawi.

Agriculture Department chuan Mizoram-a Vaimim eichhetu, Fall Armyworm puang chuan ziaawm lam a pan zel tih sawiin, an enfiahna hmun tam takah chuan Fall Armyworm hi an thunun thei tawh thu an sawi a. Amaherawh chu he Pangang puang avanga hmalakna chu chhunzawm mek zel ala ni thung.

VAIHLO ZUK LEH HMUAM HMAN IN HRISELNA A KHAWIH PAWI THEIH DAN - Dr. Jane R.Ralte, State Nodal Officer, Mizoram State Tobacco Control Society

Parking House Committee for PAHOSS (Parking House Support Scheme) chu nimin khan Chief Minister, Zoramthanga hova \hukhawmin khawpui lunlai-a Parking House sakna tura hmalakna kal mek chungchang an thlirho.