National Technology Day

Directorate of Science & Technology, Govt. of Mizoram buatsaihin nimin May 10, 2024 khan 'National Technology Day, 2024' chu Innovation Facility Centre Exhibition Hall, Aizawl-ah hman a ni a, Thupui atan ‘From School to Startups: Igniting Young Minds to Innovate’ tih chu hman niin Mizoram atanga Patent hmute lawmpuina Citation leh pawisa fai hlan an nih bakah MISTIC-in Innovator-te khawl siam chhuah chu a hmangtu turte hnena sem a ni bawk.

National Technology Day hi May 11-ah hman thin niin Mizoram ah chuan remchan zawkna avangin nimin khan hman a ni a, kum 1998-a India-in ama kutchhuak Technology khawvel hriata a phochhuahna Ni hriatrengna atan he ni hi hman thin a ni a. Khatihlai khan India chuan Rajasthan-a Pokran-ah Nuclear hlawhtling taka a enchhin bakah 'Trishul' Missile chu hlawhtling takin a enchhin bawk a, hei mai bakah hian Thlawhtheihna - 'Hansa-3' tia an vuah chu he mi ni hian hlawtling takin a thlawhtir bawk a ni.