MR Teacher chhawr zui dawn

Mizoram Sawrkar chuan sawrkar hmasain an lak Muster Roll (MR) Teacher-te chu an chhawr zui dawn a, hun bituk chhungin Mizoram Teacher Eligibilty Test (MTET) an paltlang (pass) ngei a ngai thung.

MR Teacher-te hi kum 2019 khan Zirtirtu indaihlohna avangin DP&AR leh Finance Department pawmpuina-a Departmental Promotion Committee kaltlanga lak an ni a. An vaiin mi 861 lak niin ni khatah Rs. 570 an hlawh a, kum khat chhung (March to February) atana chhawr thin niin an hun tawpah kum khat chhung zel atan Enagement Order pek thin an ni.

ZPM kaihhruai sawrkar a pian hnuah April, 2024 thleng pawha Engagment Order pek an nih tak loh avangin MR Teacher-te hi an mangang hman hle a, Mizoram Sawrkar chuan May 3, 2024 khan March 2024 - February 2025 thlenga chhawr zui turin Engagment Order a tichhuak ta a ni. Hetihlai hian Engagementn Order-ah hian September, 2024 hma-a MTET paltlang lo te chu chhawr an nih hun chhung pawhsei a nih tawh dawn loh thu tarlan tel a ni thung.

Comments

Popular News (Last 30 Days)

LPG man bithliah thar