Lenkawl

I hriat loh Insurance Policy tha tak i lo nei reng a nia - Laldinpuia

Chief Minister, Lal Thanhawla chuan Mizoram-a Cooperative Movement leh Society te chu a kal tur anga a kal \hin loh avangin a hlawhtling vak lo \hin nia sawiin, “Tunah chuan kan Society te enkawlna hi a changtlung tawh a, inkaihruaina Dan felfai tak kan zawm tlang a, hengte avang hian Cooperative Society te hi a hlawhtling chho mek zel,” a ti.

Peace Accord MNF Returnee Association (PAMRA) District Hqrs. Serchhip chuan 1986 Peace Accord in a sawi te zaa za a hlawhtlin ngei theih nan tha thlah lovin an bei zel dawn tih an sawi.

Mizoram University chuan nimin khan Under-Graduate (Bachelor Degree) Exam result tichhuakin hriat theih chinah Govt. Serchhip College a\angin Top-10 a lang zirlai 4 an awm.

Nimin khan Serchhip Sub-Hqrs. YMA Vigilance & Monitoring Committee te sawmna angin PWD (Highway) Chief Engineer, K.Sawmvela chuan Serchhip a rawn tlawh a, Tuikhuah Veng leh Dinthar Veng-a National Highway-54 a lei tlahniam (Sinking area) leh Sesah lui paltlang a NH-54 kawng chhia te a en a, lei tlahniam zelin harsatna a siam theih te Sub-Hqrs. YMA hruaitute leh Serchhip-II Village Council hruaitute, Dinthar Branch YMA leh S. Kawnpui South Branch hruaitute nen an sawiho bawk.

Chief Minister, Lal Thanhawla leh Sports Minister, Zodintluanga te chuan nimin chawhnu khan Serchhip khawpui chhunga infiamna hmun-hma siam\hat mek te an tlawh.

Cheng nuai 2126.01 senga Serchhip Field No. I hmuna Auditorium sak thar chu nimin khan Chief Minister leh bialtu MLA ni bawk, Lal Thanhawla chuan a hawng a. Tunhnaia Doctor sawn chungchanga Serchhip JAC te chet dan chu lawmawm a tih thu leh Kristian te tihdan tur ni awm reng a nih thu a sawi bawk.

Nimin khan Serchhip-a Clinical Establishment (Registration & Regulation) Act, 2010 hnuaia Registration tih dan chungchang zirhona neih a ni.

RMSA leh SSA Mission, Serchhip District te buatsaihin nimin khan BNRGSK Hall, Ser-chhip P&E Veng-ah National Programme on School Standards and Evaluation (NPSSE), Shaala Siddhi tia hriat lar chungchang zirhona neih a ni.

Tunhnaia ruah sur nasa nghawng kal zelah nimin khan Serchhip Saron Veng-a F. Van-lalsiama In chu \hiah leh a ni.

Directorate of Agriculture (Research and Extension), Aizawl leh District Agriculture Officer (DAO) Office, Serchhip buatsaihin nimin khan Serchhip-a leilet neitute tan Lalpuithanga Hall, Serchhip-ah Seeds Village Programme hnuaia Farmers Training neih a ni.

Serchhip District Election Officer, Sangchhin Chinzah chuan nimin khan Serchhip-a Political Party hrang hrangte a Pisa-ah kawmin July ni 1 a\anga thawh \an tur, Electoral Roll Special Drive chungchang a sawipui.

Chief Minister, Lal Thanhawla chuan nimin khan Serchhip rawn thlengin nimin chawhnu khan Serchhip P&E Veng a Economic & Statistic Department, District Research Officer (DRO) Office building thar chu a hawng a. He hun hi Planning Minister, Lalsawta pawhin Khual Zahawm niin a hmanpui a ni.

MNF Programme and Policy Sub-Committee chuan nimin khan Aizawl-a I&PR Conference Hall-ah thuthar lakhawmtute tan MNF Policy thar, Socio-Economic Development Policy (SEDP) chungchang zirhona a buatsaih.

PHE Serchhip WATSAN Division-a Senior Executive Engineer, Er. F. Lalsanglura chuan nimin khan MJA Serchhip District Member te leng-ah sawmin an Department hnuaia hmalakna an neih hrang hrangte a sawipui.

Serchhip District Bawrhsap, Sangchhin Chinzah hovin nimin khan kum 2016-2017 chhunga Serchhip District chhunga Bank hrang hrangte hnathawh dan thlirletna neiin kum thara hmalak dan tur sawihona neih a ni a. Serchhip District chhunga Bank hrang hrang ah hian cheng nuai 16696.74 dahluh niin Loan cheng nuai 9456.51 pekchhuah a ni thung.

Kan buaina \hin te hi - Laldinpuia

Thenzawl bul, Neihloh khuaa Middle School-ah Zirtirtu an awm mumalloh avangin niminpiah, tunkar Thawh\anni a\ang khan zirlai nu leh pa te chuan an fate School an kal tir duhlo.

UD&PA Department in Serchhip khawpui chhunga mipuite bawlhhlawh an paih \hin \ha zawka kalpui a nih theih dan tur nimin khan UD&PA a Sanitation Officer, Beitlotha Nohro, MCS hovin Serchhip-a VC tin aiawh ten an sawiho.

Central YMA chuan tunhnaia Mizoram-a ruahsur nasa avanga chhiatna tawk te tan Branch YMA kaihhruaina hnuaiah Vehbur khawn nise an ti.

Serchhip District chhunga thingtlang khua, khawlaia inthiar awmlohna, Open Defecation Free (ODF)-a inpuang te District Level a\anga endiktu turte chu nimin khan Serchhip District Bawrhsap, Sangchhin Chinzah chuan Serchhip DC Office a\angin a vailiam.

Aizawl leh Serchhip inkar NH. 54, Chhing-chhip khawchhunga Bailey Bridge innghahna lei a tlakhniam avanga lirthei lian, rit phur tana zawh ngamloh chu siam\hat tumin hna thawh mek a ni.

Thla thar July 1, 2017 a\anga rampuma Chhiah lak dan tur thar hman tur, Goods & Services Tax (GST) chungchang zirhona chu nimin khan Taxation Department Serchhip Zone hnuaia sumdawngte tan buatsaih a ni a. He hun hi Taxation Department-a Joint Commissioner, Kailiana Ralte chuan a rawn hmanpui a ni.

Tunhnaia Mizoram-a ruah nasa tak sur in a nghawng, leimin avangin Serchhip-a buhfai phurhluh chungchangah harsatna a thleng mek a. Eirawngbawlna Gas pawh rawn phurh awm rih lovin tuialhthei lamah erawh harsatna a awmlo thung.

Masihi Sangati Chhimchhak Area Meet chu Zirtawpni zan a\anga nizan, Pathianni zan thleng khan Presbyterian Serchhip Bazar Kohhran Biak In-ah neih  a ni a, he Meet-ah hian thupui atan “Parmeeswar Apko Prem Karta He” tih chu hman niin Zirtawpni zan khan Report ngaih-thlak a nih bakah Pathian biak Inkhawm neih a nih apiangin mi hrang hrang ten Pathian thuchah an in sawi chhawk a, nimin chawhnu inkhawm ah khan Sakrament Inkhawm neih a ni bawk. Tun \uma Masihi Sangati Chhimchhak Meet ah hian an huamchhung khaw hrang hrang a\angin Palai \hahnem tak an rawn tel a ni.

Tunhnaia ruahsur nasa avanga Serchhip-a chenna In \hiah sak chhungkaw pahnih te chenna In tur sak mekah pakhat chu zawhfel ni tawhin pakhat erawh chu tunkar hian chhunzawm leh a ni ang.

Tunhnaiah Champhai-a Vawk engemzaw zat chu chhan hriatloh in a thi nia sawi a ni a, heng Vawk thi leh damlo taksa them chu enfiah turin Vawiin hian Aizawl thlenpui a ni ang.

Tunhnaia Mizoram puma ruahsur nasa avanga chhiatna thlengah Disaster Mangement & Rehabilitation Department in an chhinchhiah chinah chenna In chhia 220 awmin, mitthi 12 an awm tawh a. Hmun hrang hrangah inkal-pawhna kawng chhia leh kawng ping a awm bawk a ni.

Thenzawl-a AH&Vety Department leh Environment, Forest & Climate Change Depart-ment huaihawtin nimin khan Thenzawl-a AH & Vety Farm Complex-ah Tree Planting Camp neih a ni a. Thing\iak 100 chuang phun a niin, he hun hi AH&Vety Department Director, Dr. Saingura Sailo chuan Khuallian niin a hmanpui.

Excise changtu Home Minister, R. Lalzirliana chuan Mizoram Liquor Prohibition & Control Act, 2014 chu a kenkawh kawngah mipui duhkhawp sorkar a tling lo nia hriatna a awm avangin tunah hian khauh taka he Dan hi kalpui chhoh mek a ni, a ti.

Nimin khan Thenzawl leh East Lungdar-ah te Election Commission of India in Special Drive kalpui tura ruahmanna a siam chungchang BLO te tana zirhona neih a ni.

Kumin a District Level Children’s Science Congress neih tur chungchang inhrilhhriatna chu nimin khan Serchhip District chhunga Middle School leh High School Zirtirtute tan buatsaih a ni.

Mizoram Information Commission (MIC) bultumin niminpiah, June 15 chawhnu khan Khawlailung-ah Right to Information Act, 2005 chungchang Awareness Campaign neih a ni a, he hun hi Mizoram Chief Information Commissioner, Lalduhthlana Ralte, IFS (Rtd) chuan khuallian ni.

Mipuite hnena eirawngbawlna Gas sem dan kalpui mek chu tih danglam a ni dawn a, eirawngbawlna Gas la tur tan hian Online hmanga Booking tih phawt a ngai tawh dawn a. He ruahmanna hi tun thla ni 19, karleh Thawh\anni a\ang khian Mizoram-a District Capital tinah hman a ni dawn a ni.

Mizoram-a Tlawmngai pawl lian ber, YMA Day vawi 82-na chu nimin khan Mizoram chhung leh pawna YMA dinna hmun hrang hrangah urhsun taka hman a ni.

Serchhip Block Congress Committee chuan tunhnaia ruah sur nasa avanga mahni chenna In leh lo luah zui ngamlo te chu \anpuina Rs. 1000/- \heuh an hlan a, heng \anpuina an hlan te hi chhungkaw 11 an ni. Hei bakah hian Serchhip bialtu MLA, Chief Minister Lal Thanhawla chuan tunhnaia ruahsur nasa avanga lemin in harsatna a thlen, Ruatliana, Serchhip Vengchung te chu an In \hiah a nih avang leh sak \hat a nih avangin In chung tur Rangva a rawn tum sak bawk.

Niminpiah khan Serchhip District Water and Sanitation Missions hnuaia District chhung endiktu tur District Level Verification Team chu SDO (Sadar), R. Vanrengpuia hovin an \hu-khawm a, District chhunga khaw hrang hrangte endik dan tur an rel.

Niminpiah khan Presbyterian English School Serchhip-ah Digital Awareness Campaign neiin he School website hawnna neih nghal a ni.

Central YMA President, Lalbiakzuala chuan Zofate inpumkhatna atan YMA in hma a la zel dawn tih sawiin, Tuikuk ten Supreme Court-a YMA te an hekna ah an dikna hailang turin YMA chu a tawp thlengin a kal dawn tih a sawi a. YMA hmalakna reng rengah Party politics in chiah lo se a duh thu a sawi bawk.

Tunhnaia ruahsur nasa avanga chenna In \hiah tak, Ruatliana, Serchhip Vengchung ami te chenna In tur chu nimin khan khawtlang huapa hnatlang neiin sak a ni a, he hnatlang ah hian mi 250 vel thawkchhuakin Vengchung Branch YMA chuan Vawiin hian YMA Day denchhenin he In sak hnatlang hi an nei chhunzawm leh dawn a, In hi Assam Type a sak sak an ni.

Tunhnaia Serchhip-a ruah sur nasa avangin niminpiah khan Serchhip P&E Veng, Judicial Veng tia sawi \hin a R. Lalneihthangi In, mi 6 te chenna chu an Inhnuai ah Sabereka Khuangkaih insiamin an chenna In ban thlanglam chu a la a, he In hi luah zui ngam chi a nih loh avangin nimin khan Serchhip-VIII VC leh P&E Veng Branch YMA chuan hnatlang neiin an \hiat a ni. Vanduaina tawkte tan hian Serchhip-VIII VC te chuan an ram pe nghalin nimin vek khan an In chak hlui te hmangin In thar sak hnatlang neih leh nghal a ni a, he hnatlang ah hian mi 75 vel thawkchhuakin In hi Assam Type a sak a ni dawn a, sorkar a\anga \anpuina awm thei te pawh khawtlang hruaitute hian an ngaihtuah sak nghal bawk a ni.

X Vawiin June 15, 2017 hi YMA Day vawi 82-na a ni a, Mizoram chhung leh pawna YMA dinna hmun hrang hrangah chuan uar taka hman a ni anga, he Ni hi sorkar Pisa chawlha puan a nih angin sorkar Office leh zirna In te khar a ni ang. Sub-Hqrs. YMA Serchhip-a hruaitute chuan he Ni hi Branch hrang hrangah an hmanpui dawn bawk a ni. X Vawiin a YMA Day pual hian nimin khan Sub-Hqrs. YMA Serchhip chuan District Hos-pital Poor Fund, ARC Chhiahtlang, Old Age Home New Serchhip, Shalom Special School, Unity Orphanage Home, Serchhip leh Zoar Urban  Deprived Children  Home-ah te thilpek atan Rs. 2000/- \heuh an hlan a ni.

‘Thisen pek hi a Mizo a, a Kristian a ni’ - President, MJA (SD) Khawvel puma midangte tana thisen petute Ni, World Blood Donors Day chu nimin khan hmun hrang hrangah hman a ni a, Serchhip-ah pawh Association for Voluntary Blood Donation (AVBD) Serchhip Branch leh Serchhip Blood Bank te huaihawta hun hman niin damlote tan a thlawnin thisen pekna hun buatsaih a ni bawk.

NLUP leh RKVY Convergence Scheme hnuaiah Tuikum Cluster-a Sapthei chingtu chhungkaw 444 te hnenah Zirtawpni khan NLUP 2nd instalment sem a ni a, he hun hi MIFCO Chairman, PC. Zoram Sangliana, MLA chuan khuallian niin a hmanpui a ni.

Indian Medical Association (IMA) in nimin a rampuma lungawilohna an lantir avangin Mizo-rama Doctor-te pawhin nimin zing dar 9:00 a\anga dar 11:00 thleng khan damlo an en duhlo a, Serchhip-a Doctor te pawhin he nawrhna hi an thlawp a ni.

Beautification Committee of District Capital, Serchhip District chu nimin khan an Chairman, Serchhip District Bawrhsap, Sangchhin Chinzah hovin a Office Chamber-ah an \hukhawm a, Serchhip khawpui chhung cheina tura hmalak dan tur an sawiho.

Tunkar Zirtawpni, June 9, 2017 khian Serchhip-ah pawh Green Mizoram Day hman a ni dawn a, Green Mizoram Day hman dan tur ngaihtuah hian Serchhip District Level Green Mizoram Committee chu niminpiah tlai khan District Bawrhsap, Sangchhin Chinzah hovin an \hukhawm.

India Sorkarin kumtin Republic Day puala mi thlanchhuah bikte hnena Padma Award hrang hrang - Padma Vibhushan, Padma Bhushan leh Padma Shri a hlan \hin chu nakum Republic Day 2018-ah pawh a hlan leh dawn a. Padma Award dawng tur hian mi tupawh Arts, Literature & Education, Sports, Medicine, Social Work, Science & Engineering, Public Affairs, Civil Service, Trade & Industry, etc. kawnga thawk \ha emaw, thawh hlawkte hming pek luh theih a ni.  Padma Award hi India Sorkarin chawimawina a pek \hin zingah a sang ber dawttu a ni a, chuvangin a dawng thei tura recommendation thehluh dawn pawhin uluk taka finfiah a \ul a. A dil duh emaw, nomination/recommendation thehlut duh emaw chuan Deputy Commissioner Office, Serchhip-ah Ni 31.7.207 aia tlai lovah thehluh tur a ni. Online-a dilna thehlut duh tan www.padmaawards.gov.in, Ministry of Home Affairs Office, New Delhi-ah thehluh theih a ni a, Website ah hian fiah zawkin “Rule and Regulations” ziah a ni. Hrechiang duhte tan Office

ZNP President, Lalduhoma chuan Comptroller and Auditor General (CAG) report kalphung (system) chu thlak a ngai niin a sawi.

State Level Committee on Green Mizoram chu nimin khan an Chairman, Chief Minister, Lal Thanhawla hova \hukhawmin Green Mizoram Day, June ni 11 a hman \hin chu kumin hian Chawlhni (Sunday)-a a tlak avangin June ni 9 -ah Green Mizoram Day hi hman nise an ti.

Fur laia Tuikum lui tui a nut nasat \hin avanga Serchhip khawpuiin tui-a harsatna a tawh fo \hin sutkian a nih theih nan Tuikum Water Treatment Plant bula kawrte tui chu lâk tumin hmalâk mek a ni.

Serchhip Zawlpui phai-a Thlai chingtu in-zawmkhawm, Serchhip Horticulture & Agricul-ture Cooperative Society chuan nimin khan Lalpuithanga Hall, Serchhip Chhim Veng-ah Annual General Assembly an nei.

Serchhip District Bawrhsap, Sangchhin Chinzah chuan nimin khan Serchhip Hmar Veng Sport Complex-a NBCC in UD&PA Department hnuaia Sports Stadium sak hna an thawh mek chu a tlawh a. An hmalakna hrang hrangte enpuiin an hnathawh dan leh an hmathar lakna te a hnena hrilh hre zel turin Contractor te a hrilh.

May 31, 2017 zing dar 5:30 vel khan Serchhip Vengchung-a Laltlanzovi chenna In chu bungrua engmah chuh hman lohin a kang a, vanneihthlak takin mihring thi leh hliam erawh an awmlo thung.

MZP Hqrs. Serchhip buatsaihin nimin khan Serchhip District chhunga zirna In a\anga HSLC leh HSSLC 2017 Exam-a Distinction a pass chinte lawmpuina hun Serchhip DC’s Conference Hall-ah neih a ni a, he hun hi School Education changtu Parliamentary Secretary, Joseph Lalhimpuia chuan Khuallian niin a hmanpui a ni.

Missions for Integrated Development of Horticulture (MIDH) hnuaia Serchhip District Horticulture Department ten Serchhip District chhung khaw hrang hrang thlabika Fur Zikhlum leh Fur Tomato chin tur an kui\iah chu a chingtu tur loneitute hnena pek turin nimin zing khan Serchhip a\angin vailiam a ni.  

Mizoram Middle School Teachers Association Councillors meeting vawi 4-na chu nimin khan Synod Conference Centre, Aizawl-ah neih a ni.

Nimin khan Serchhip District Election Officer, Sangchhin Chinzah chuan a Pisa-ah thuthar thehdarhtute kawmin Election Commission of India in a ruahman anga nimin a\anga kalpui, Electoral Roll Special Drive, 2017 chungchanga hmalak dan tur hrang hrang a sawipui.

North Eastern Council (NEC) Meeting vawi 66-na chu nimin khan New Delhi-ah neih a ni a, he meeting pawimawh takah hian Mizoram Chief Minister, Lal Thanhawla pawh Hmarchhak state dangte Governor leh Chief Minister-te ruala NEC atana Prime Minister hmathlir tih hlawhtlin \ul a tih thu a sawi.

Mizo Zirlai Pawl (MZP) Hqrs Serchhip chuan JN Hospital a thawk lai Dr. Lalrinmuani Transfer a nih leh a thlaktu turin a hna ala zawm loh chungchang thuchhuah siamin heng Doctor te chungchangah hian ruahmanna anga thil a kal ngei an beisei thu an sawi.

Mipui ten Bank Account i chhawr tangkai ang u

MNF Vice President, Dr. R. Lalthangliana chuan MNF a sorkar chuan \halai lehkhathiam leh thiamlote tan an eizawnna tur Human Resources Development Department kan din dawn a ni, a ti.

Mizoram Board of School Education (MBSE) in kumin a HSLC leh HSSLC Exam a buatsaiha Top Ten-a lang zirlaite chu an sikul Principal leh an nu leh pate nen nimin khan Larsap, Lt. Gen. (Rtd) Nirbhay Sharma chuan Raj Bhawan-ah sawmin heng zirlai ti\hazual 62-te chu lawmpuina Certificate leh sumfai a hlan.

Serchhip District huamchhunga Sangha khawi inzirtirna beihpui thlak kal zelah nimin khan Thenzawl-ah Buangpui leh Thenzawl Circle huamchhunga Sangha khawitute tan Fisheries Department Serchhip District chuan Sangha khawi zirtirna an buatsaih.

Nimin khan New Serchhip huamchhunga sumdawngte bukna hmanruate chu Serchhip-a Legal Metrology Department ten an endik sak a, Diesel leh eirawngbawlna Gas lo thleng pawh enfiah a ni bawk.

Thingtlang hmun kilkhawra awm te tana Internet, Computer leh Smart Phone te hmang thiama (Digital Literacy) nitin nun alo zangkhai zawk theihna tura inzirtirna tur Scheme, Pradhan Mantri Gramin Digtal Saksharta Abhiyan (PMG-DISHA) chu rampumah kalpui a ni dawn.

Bungtlang Chhim Veng Branch YMA te chuan Inrinni khan hnatlang in an Branch huam-chhunga chhungkaw pakhat Inchung an thlak sak.

Inrinni khan Bungtlang Pastor Bial K|P te chuan kumin a Bial khawmpui thurel bawhzuiin damlo mamawh apiang ten an hman theih tura JN Hospital Blood Bank-a dah turin a thlawnin thisen Unit 35 an pe a, thisen petute zingah hian hmeichhia 6 an tel a ni. Bungtlang Pastor bial K|P te hian nimin, Pathianni hmang khan Bial huap Member Meet an nei a, hemi rual hian Conference thurel hi an bawhzui ta a ni. Heng mi tlawm-ngai te thisen la tur hian Serchhip a\angin District Medical Superintendent, Dr. ZD. Lalmuan-awma leh thawktu dang te an kal a, Bungtlang H/S-ah mi tlawmngai te thisen hi an lak sak a ni.

Mizoram sorkar chuan Kolasib District Hospital-a thawk lai, Dr. Zothansanga Zadeng chu District Hospital Serchhip-a awm tura sawnin tun thla ni 18 khan Order tihchhuah a ni a. Hetihlai hian Kolasib-a MZP chuan thuchhuah siamin Surgeon an mamawhna hriaa he Order hi sut leh turin sorkar an ngen a, a tawp thlenga hmalak an tum thu an tarlang bawk.

Salvation Army kum 100 tlin lawmna kal zelah Inrinni khan Salvation Army Serchhip Corps chuan Serchhip AOC Veng-a Commanding Officer Quarters leh YP Hall sak thar te chu an hawng.

Mizoram chhimlam Siaha District chhunga Myanmar ramri hrul khaw pahnih, Khaikhy leh Lungpuk-ah te kar kalta tawplam khan Myanmar a\anga raltlan mi 300 dawn an rawn lut a, heng mite hi Myanmar hel pawl, Arakan Army intiten an vau avanga Mizorama lo tlanchhia nia hriat an ni.

Mizoram Football Association hmalakna in nimin khan Serchhip-ah MFA TATA Trust Centre of Excellent a training tur thlanna atan Preliminary Trail chu neih a ni.

Nimin khan Zoram Entu Pawl (ZEP) leh National Health Mission buatsaihin Serchhip CMO Conference Hall-ah vantlang hriselna tura inrawnkhawmna leh sawihona hun neih a ni.

State Level Monitoring Committee(SLMC) on PMEGP chu nimin khan Aizawl-a Admini-strative Traning Institute Conference Hall-ah \hukhawmin kum 2016-17 chhunga PMGEP \anpuina sum pekchhuah tak te leh a hlawhtlinna an thlirho a, kum 2017-18 chhunga PMGEP \anpuina kalpui dantur pawh sawiho a ni bawk.

Nimin khan Fisheries Department, Serchhip District chuan Lersia Hall, North Vanlaiphai ah Sangha khawitu thlan bikte tan Sangha khawi dan inzirtirna hun a buatsaih a, he training hi tunhnaia Fisheries Department-in Sangha khawi \anpuina a pekte tana buatsaih a ni.

Mizoram Bru Displaced People Forum (MBDPF) in Supreme Court-a Central YMA leh MZP te diklo taka a puhna vangin Central YMA a lawmlo hle a, diklo taka puh an nihna sawifiah a Court-a ding tur Ukil ruaiin, Central YMA chuan hmalakna a kalpui mek.

Serchhip District chhunga Thingtlang khua ten khawlaia inthiar awmlohna, Open Defication Free (ODF)-a an inpuan hnuah khawpui (Urban Area leh Cencus Town) te pawh ODF-a puang tur hian chak taka hmalak mek zel a ni a, tunah hian khawpui chhunga Ek In neilo chhungkaw 89-te Ek In sak sak mek a ni a. ODF hi dan ang chauha puang lova a taka kalpui a nih ngei theih nan uluk taka hma lak chhoh mek a ni tih UD&PA Sanitation Officer, Lalfakawma Chhakchuak chuan a sawi a ni. Serchhip District-a Urban Area (Ser-chhip) leh Census Town (Thenzawl leh N. Van-laiphai)-a Ek In nei lo chhungkaw 89 te Ek In sak nan UD&PA a\angin Rs. 3,91,600/- hmuh a ni a. Ek In pakhat (1) sak nan Rs. 4,400/- zel hman tur a ni a, sum hi pekchhuah vek tawh a ni a, lo buaipui a a \ul anga hma lo la turin VC te kutah dah a ni a. Tunkar Zirtawpni hmaa zo hman vek tura beisei an ni.

Nimin khan Serchhip District Education Complex, Serchhip AOC Veng-a sak mek leh SDEO Quarters sak lai te chu School Education Director, K. Lalthawmmawia’n a tlawh a, hna thawh tur hma bak la awm te a enpui bawk.

MNF Party chuan nimin khan Mizo Carbon leh Lottery chungchanga thil dik lo tam tak awm te CBI chhui tir tura ngenna Chief Minister hnenah an thlen.

Nimin khan Serchhip-ah khawchhak lam a\anga lakluh nia hriat Sikret, Dan lova zawrh leh Sikhaar tam tham tak man a ni.

Serchhip Sub-Hqrs. YMA Vigilance & Monitoring Committee chuan Inrinni khan Chhingchhip leh Thentlang inkar kawng blacktop hna thawh mek chu a hmunah tlawhin duhthusamlo nia an hriat te chu Contractor lamin lo siam\hat an tum tur thu an sawi a ni. Chhingchhip to Thentlang kawng siam mek Metal Road chin tur hi 12.8kms a thui niin 600metres chu PCC hmanga siam tur a ni a, Estimate hi cheng nuai 595 niin kumin December thla velah thawh zawh hman tura ruahman a ni a, tunah hian 66% vel an zo tawh a ni.

Serchhip District-a Sports Association hrang hrang inthlunkhawmna, Serchhip District Sports Committee chuan Inrinni khan General Body Meeting an nei.

Inrinni kalta khan Marian High School, Serchhip chuan HSLC Exam result tichhuah taka an School in hlawhtlinna an chan lawmna leh Pathian hnena lawmthu sawina hun Our Lady of Assumption Church, Serchhip P&E Veng-ah an hmang a, he hun hi Most. Rev. Stephen Rotluanga, Aizawl Bishop chuan a rawn hmanpui bawk a ni. HSLC Exam result tihchhuah takah khan Marian High School Serchhip a\ang hian zirlai 77 exam in 76 an pass a, pass zingah hian Distinction-a pass 24 awmin 1st Div. ah 30 leh 2nd Div. ah 22 an pass a, an zirlai naupang, Laldintluanga chu Mizoram pumah pakhatna a ni bawk. Aizawl Bishop, Most Rev. Stephen Ro-tluanga hian nimin Pathianni kha Serchhip-ah hmang nghalin Mass hlanna a neih bakah Koh-hran rawngbawl tura Brother-a inpe mi pakhat chu kawrfual a haktir nghal bawk.

Kristian |halai Pawl (K|P) New Serchhip Branch chuan Inrinni khan an dinchamphaphak pualin damlo mamawh apiangte hman turin JN Hospital Serchhip Blood Bank-ah Thisen Unit 24 an pe.

Centrally Sponsored Scheme (CSS) hnuai Hindi Teachers te an hna tihtawp a nih hnuah Serchhip SDEO hnuaia Middle School hrang hrangah Hindi Zirtirtu neilo \hahnem tak an awm mek a, hetihlai hian Middle School zingah hian Hindi zirtirtu pakhat aia tam nei zirna In 4 lai an awm thung.

Serchhip-III Village Council leh Serchhip Chhim Veng Branch YMA chuan Inrinni zan khan HSLC leh HSSLC Exam result tihchhuah taka an huamchhung a\anga Exam zawng zawngin an pass lawmna hun an hmang a, District Education Officer (DEO), Lawmawma leh Govt. Serchhip College Principal, Lalhmangaiha Sailo ten an hmanpui a ni.

State Bank-in ATM hman man a tisang leh dawn - Laldinpuia Secretary, Serchhip District Consumer Association

Mizo Zirlai Pawl (MZP) General Headquarters buatsaihin nimin khan High School Leaving Certificate (HSLC) Examination 2017-a Top 10-a Mizo zirlai 13 tlingte chawimawina hun chu Aizawl-a Lal Thanhawla Auditorium-ah hman a ni a, he hun hi Chief Minister, Lal Thanhawla chuan a hmanpui a ni.

Serchhip Hmar Veng-a Sports Stadium sak hna chu ni 11 zet chawlhsan a nih hnuah nimin a\ang khan dan pangngaiin hna chhunzawm a ni leh ta.

Mizoram Board of School Education (MBSE) chuan nimin khan pawl 12, Higher Secondary School Leaving Certificate (HSSLC) Exam result tichhuakin zirlai za zela 74.86% in an pass a. Samuel Malsawmzuala s/o JH. Laldingliana, Serchhip Tuikhuah Veng chu Science Subject-ah Mizoram pumah pahnihna a ni.

Nimin a MBSE in HSSLC Exam-2017 result tihchhuah takah Serchhip-a Higher Secondary School pahnih te a\angin zirlai \hahnem takin hlawhtlinna an chang .

Sub-Hqrs. YMA Serchhip in Serchhip-a Sports Stadium sak mekah hna thawh \ha tawklo a awm avanga tun thla ni 1 a\anga hnathawh chawlhsan lailawk tura an tih chu a nihna tur anga hna thawk turin thawh chhunzawm an remtih sak leh ta.

Nimin khan Serchhip District Heath Society ruahmanna in Chief Medical Officer Dr. Lal-dawngliana Sailo leh Serchhip a Doctor engemaw zat leh thawktu dang ten E. Lungdar-ah Reproductive Child Health (RCH) Outreach Camp an buatsaih a. Nu in-siam duhte an insiam tir bakah, natna hrang hrang neite tan inentirna hun an hawng.

Serchhip-a hun engemaw chen YMA hruaitu hna lo chelh tawh leh VCP hna pawh lo chelh reng tawh, T. Rosiama chu nimin khan vuiliam a ni.

Sub-Hqrs. YMA Serchhip chuan nimin khan Sub-Hqrs. YMA Coordination Committee (SCC) \hutkhawm neiin YMA Rorel Inkhawm vawi 1-na neih zawh tak an thlirlet bakah rorel bawhzui dan tur an sawiho.

Sorkar laipui in India ram faina atana hma a lakna Swachch Bharat Mission (SBM) hnuaiah Serchhip District chhungah nasa takin hma lak chhoh mek zel a ni a, thingtlang khua bika hma-lakna, SBM (Gramin) hnuaiah Serchhip District chhunga thingtlang khua zawng zawngte chu Open Defecation Free, khawlaia inthiar awm tawh lo-ah an inpuang tawh.

Mara Autonomous District Council (MADC) inthlanpui vawi 11-na a vote tla te chu nimin khan chhiar a ni a, Indian National Congress (INC) chuan mahni a sorkar siam thei khawpin hnehna an chang.

Mizoram Journalists Association (MJA) Serchhip District chuan HSLC Exam-2017 result tihchhuah taka Mizoram puma pakhatna, Laldintluanga s/o C. Lalengthanga, Serchhip chu nimin khan lawmpuina hun hmangin chawimawina thilpek an hlan a. He hun hi District Information & Public Relations Officer, K. Saitluanga, MIS chuan a hmanpui bawk a ni.

Serchhip-a Power & Electricity Department chuan Computerised Billing chu Serchhip Town chhungah thla kalta a\ang khan an hmang \an a. Hemi avang hian Bill semchhuah chungchangah harsatna thleng mekin mipuite lo hrethiam turin an ngen.

Mizoram SSA Teacher Association (MSSTA) Sub-Hqrs. Serchhip chuan nimin khan Hmar Veng YMA Hall-ah General Assembly neiin hruaitu thlanna an nei.