Latest News

Serchhip-a bawlhhlawh paih dan sawihona neih a ni

UD&PA Department in Serchhip khawpui chhunga mipuite bawlhhlawh an paih \hin \ha zawka kalpui a nih theih dan tur nimin khan UD&PA a Sanitation Officer, Beitlotha Nohro, MCS hovin Serchhip-a VC tin aiawh ten an sawiho.
He sawihona UD&PA Sanitation Officer Office Chamber-a neih ah hian UD&PA Department in Serchhip khawpui chhunga mipuite bawlhhlawh an paih \hin tun aia \ha zawka an paih theih dan tur sawiho a ni a, he hunah hian UD&PA Depart-ment chuan an bawlhhlawh paih Motor-ah Bazar-a sumdawngte zingah bawlhhlawh lian tak tak paih an awm \hin thu leh hei hian Inchhung khur bawlhhlawh (Domestic Waste) paih te a dal \hin thu sawiin, hetianga Domestic Waste nilo paih hi Dan phalloh a nih avangin VC ten an huamchhung \heuh ah inzirtirna lo nei se an ti a. Chhiahtlang lama bawlhhlawh paihna, NH. 54 chhuah lama awm chu Tuikum lui hnar a nih avangin NH. 54 tlaklam ah bawlhhlawh paihna tur ngaihtuah nise an ti a, bawlhhlawh paih Motor an kal hma lutuk avanga bawlhhlawh paihtu ten harsatna an tawh \hin thu te pawh he hunah hian sawilan a ni bawk.
Hei bakah hian tuna UD&PA Depart-ment in Veng pakhat tan chawlhkar khata vawikhat chiah bawlhhlawh an paih \hin pawh ‘Hei aia zing zawka paih dan a awm thei em?’ tih sawiho niin UD&PA Department chuan Oil man-ah leh thawktu indaihlohna ah harsatna an tawh thu an sawi a, mipuite mamawhna avangin mipui ten thawhlawm thawh belha paih dan awm thei te VC tin ten an huamchhung ah mipuite lo sawipui se an ti a. UD&PA Department bawlhhlawh paih Motor in Veng kilkhawr zawk, tuna an la tuam loh te pawh tuam a nih theih dan tur leh Serchhip-VI VC, Serchhip Hmar Veng in an huamchhung Veng mawnglam-a Motor hire a bawlhhlawh paih hna an kalpui pawh man chawia Motor hmang lova kalpui dan zirchian nise an ti bawk.

Comments

Popular News (Last 30 Days)