Serchhip khawtlang hruaitu hlun T. Rosiama vuiliam a ni

Serchhip-a hun engemaw chen YMA hruaitu hna lo chelh tawh leh VCP hna pawh lo chelh reng tawh, T. Rosiama chu nimin khan vuiliam a ni.

Kum 1946-a piang, T. Rosiama hi Than-chhungi (L) leh Hauruma (L) te fa pariat zinga naupang ber niin Bawngchawm khua ah a piang a, kum 1967-ah Biakveli nen inneihin fa 7 an nei a, kut hnathawka eizawng \hin niin kum 1971 a\angin Serchhip-ah sumdawnna bul \anni a boral thleng hian sumdawn hna hi a thawk a, Class-II Contractor a ni bawk.

Khawtlang-ah rawngbawlna hrang hrang chelh tawhin Bawngchawm YMA, tuna Chhim Veng YMA hun rei tak hruaitu hna lo chelh tawhin kum 14 chhung zet OB Post hrang hrang a chelh a, Serchhip khawpum YMA Branch pakhat hnuaia a awm laiin kum 7 chhung President hnaa chelh bakah 28th Group YMA nihlai in kum 8 zet President hna a chelh bawk a, YMA hruaitu hlun chawimawina pawh a dawng nghe nghe a ni. Heng bakah hian Serchhip Consumers Co-Operative Society Managing Board Chairman hna kum 12 chelhin Chamber of Commerce, Serchhip-ah kum 8 chhung hruaitu hna a chelh tawh a, Zoram Drivers Union (ZDU) Sub-Hqrs. Serchhip-ah hruaitu hna kum 9 chelhin President hna a chelh mek a, Mizoram Industry Asso-ciation-ah President ni mekin Serchhip Kawnpui Unit MUP-ah President hna a chelh bawk.

Khawtlang rorelna lamah pawh chanvo hrang hrang chelh tawhin Serchhip khawpum Village Council pakhat hnuaia kan awm lai khan thlantlin niin President hna a lo chelh tawh a, Congress Party ah awmin Block President hna pawh kum 9 lai a chelh tawh  bawk a ni.

T. Rosiama hi Inrinni kalta khan Serchhip Bazar-a a’n dawr a nghah laiin Stroke vangin nikhaw hrelo in a tlu a, damdawi In panpuiin Ai-zawl-ah lak nghal a ni a, amaherawh chu nizan hmasa dar 5:15 vel khan a boral zui ta a ni.