Latest News

MZP Hqrs. Serchhip in ruahman anga kal turin duh

Mizo Zirlai Pawl (MZP) Hqrs Serchhip chuan JN Hospital a thawk lai Dr. Lalrinmuani Transfer a nih leh a thlaktu turin a hna ala zawm loh chungchang thuchhuah siamin heng Doctor te chungchangah hian ruahmanna anga thil a kal ngei an beisei thu an sawi.
MZP Hqrs. Serchhip thuchhuah in a tarlan danin JN Hospital Serchhip-a Surgeon, Dr. Lalrinmuani chu Lunglei a Transfer niin a aiawh tur hian Dr. Zothansanga Zadeng, Kolasib Hospital a thawk lai chu tun thla ni 18 khan Transfer order tihchhuah a ni a, MZP Kolasib Hqrs. chuan Transfer phal lova dangin, Order sut leh turin Sorkar an ngen bawk tih an tarlang a. Hetiang a nih avang hian vawiin thleng hian Dr. Zothansanga Zadeng hian Serchhip ala rawn thleng thei lova, Joining Report pawh a la pe lo a ni. MZP Hqrs. Serchhio chuan hetiang hi thil kal dan a nih tak ah chuan Dr. Zothansanga Zadeng hian a hna thar zawm tura Serchhip-a Joining Report a rawn pek hma chuan Dr. Lalrinmuani chu a thawhna tur Lunglei Civil Hospital-a hna zawm rih lo turin an ngen a, an ngenna ngaipawimawh in vawiin thleng hian Joining Report hi a la pe lo a, Dr. Lalrinmuani’n an ngenna a ngai pawimawh chu lawmawm an tih thu an sawi a, Dr. Lalrinmuani hian a hna a zawm thuai theih nan leh a aiawh tur hian Serchhip a rawn thlen thuai theih nan nghakhlel takin Sorkar hmalakna Serchhip mipui ten an ngaichang reng a ni an tarlang bawk.

Comments

Popular News (Last 30 Days)