PMEGP kalpui dan thlirletna neiin kumthar-a hmalak dan tur thlirlawkna neih a ni

State Level Monitoring Committee(SLMC) on PMEGP chu nimin khan Aizawl-a Admini-strative Traning Institute Conference Hall-ah \hukhawmin kum 2016-17 chhunga PMGEP \anpuina sum pekchhuah tak te leh a hlawhtlinna an thlirho a, kum 2017-18 chhunga PMGEP \anpuina kalpui dantur pawh sawiho a ni bawk.

State Level Monitoring Committee(SLMC) on PMEGP \hutkawm hi Chairman, Zothan Khuma, Commissioner/Secretary, Commerce & Industries chuan kaihruaiin PMEGP \anpuina diltu lam a\anga harsatna te sawichhuah niin Bank hnathawkte chu PMEGP \anpuina diltute tana remchanna lo siamsak tur leh nasa zawka lo pui tura ngen an ni a. Bank aiawh lam te pawhin harsatna an tawh dan te leh ruahmanna \ha zawk anga an hriat te an tarlang bawk. Bank-wise Achievement on PMEGP 2016-17 in a tarlan dan chuan kum 2016-17 chhung khan Mizoram chhunga Bank hrang hrang 25 leh an Branch \heuh te chu hnathawh tur 4592 siamchhuak thei turin PMEGP \anpuina sum cheng nuai 1148.39 pechhuak tura tuk an ni a. Mahse kum 2016-17 chhung khan PMEGP \anpuina sum chu PMEGP Unit 711 hnenah Cheng nuai 766.56 pekchhuah niin hnathawh tur 5688 a siamchhuak niin tarlan a ni a. Bank ten PMEGP an tih hlawhtlinna hi 66.75% a ni.

Bank zingah Indian Overseas Bank (158%), Punjab National Bank (133.33%) leh United Bank of India(100.61%) te chu PMGEP \anpuina sum pekchhuahtur tuk an nih zat aia tam pechhuak thei te an ni a. Hetihlai hian ICICI, HDFC, Federal Bank, Indusind Bank, YES Bank, South Indian Bank leh Bandhan Bank te erawh chuan PMEGP \anpuina hi pekchhuah an nei lo a. Bank lian zingah SBI cheng nuai 174.89, Mizoram Cooperative Apex Bank cheng nuai 162 leh Mizoram Rural Bank cheng nuai 105 te chu PMEGP \anpuina sumhlawm thehchhuak tam fal deuh te an ni.

Bank-wise & Agengy- Wise PMEGP Target for 2017-18 in a tarlan dan chuan PMEGP t\anpuina sum hi Agency pathum- KVIC (Rural Area), KVIB (Rural Area) leh DIC (Urban & Rural Area) te chuan Bank 25 leh an Branch a\angte in Cheng nuai 1245.66, hnathawhtur 4984 siamchhuak thei turin pekchhuah leh an ruahman a. Aizawl District tan cheng nuai 378, Kolasib District tan cheng nuai 154, Serchhip District tan cheng nuai 161.70, Champhai District tan cheng nuai 130, Mamit District tan cheng nuai 112, Lunglei District tan cheng nuai 153.70, Saiha District tan cheng nuai 50 leh Lawngtlai District tan cheng nuai 106.26 te ruahman chhin a ni.