MADC inthlanpui ah INC in hnehna an chang; CEM atan N. Zakhai leh Chairman atan H. Sahlo thlang

Mara Autonomous District Council (MADC) inthlanpui vawi 11-na a vote tla te chu nimin khan chhiar a ni a, Indian National Congress (INC) chuan mahni a sorkar siam thei khawpin hnehna an chang.

Mara Autonomous District Council inthlanpui tun thla ni 4-a neih a vote tla te hi nimin chawhma dar 10:00 a\ang khan Siaha DC Office-a Counting Centre-ah chhiar a ni a, he inthlanna a Bial awm zawng zawng 25-a Candidate nei Indian National Congress (INC) chuan seat 17 lain mahni a sorkar siam thei khawpin hnehna an chang a, Mara Democratic Front (MDF) leh Mizo National Front (MNF) \angdun chuan seat 7 lain MNF hian bial 12-a candidate an neih ah bial 5-ah hnehna an chang a, MDF hian bial 13-a Candidate an neih ah bial 2 chiah an la thei a. Independent Candidate a ding KL. Bana chuan Tokalo bial a la bawk a, bial 6 chuh ve BJP chuan seat khat mah an la lo thung.

Nimin a MADC inthlanpui result puan takah hian MADC-a Chief Executive Member (CEM) nilai, RT. Zachono chuan Amotlah, Romibawk tia hriat \hin bialah a khingpui, MNF Candidate, Lalmalsawma Zasai chu vote 26 in a hneh zo lo a ni.

INC in seat an lak te hi Phura, Vahia, Laki, Zyhno, Chakhei, Tisi, Tipa-I, Tipa-II, Laty, Amobyo, Chhaolo, Siaha North-I, Siaha North-II, Siaha South-I, Siaha South-II, Siaha East-I leh Siaha West-II te a ni a. MNF in Seat an lak te hi Chapi, Siata, Amotlah, Noaotla leh Siaha East-II te niin MDF Seat lak hi Saikao leh Siaha West-I te a ni. MDC thlantlin te hian tun thla ni 15 khian \hutkhawm hmasa ber an nei dawn a Nimin a Congress Legislature Party \hukhawm chuan CEM atan N. Zakhai leh Chiarman atan H. Sahlo te an thlang nghal a ni.

MADC inthlan a thlantlin te :

1. Tokalo KL. Bana (Ind)

2. Phura K.Pawhnie (INC)

3. Vahia K. Chhuabei (INC)

4. Laki T.Seido (INC)

5. Zyhno L. Prisila (INC)

6. Chapi FC Rehmo (MNF)

7. Chakhei K. Hrahmo (INC)

8. Siata L. Khaichyu (MNF)

9. Tisi Tiahlei Syuhlò (INC)

10. Tipa-I F. Lawmkima (INC)

11. Tipa-II Siakhai (INC)

12. Laty Beirahmo Syhly (INC)

13. Saikao B. Luaha (MDF)

14. Amobyo N. Zakhai (INC)

15. Amotlah    HC. Lalmalsawma Zasai (MNF)

16. Noaotla Rosanga (MNF)

17. Chhaolo MH Tiabi (INC)

18. Siaha North-I NG Sila (INC)

19. Siaha North-II V. Vanhupa (INC)

20. Siaha South-I VB Byhno (INC)

21. Siaha South-II KH Beihlo (INC)

22. Siaha East-I Hrangchuanga (INC)

23. Siaha East-II HC Biakcheuva (MNF)

24. Siaha West-I K. Chiama (MDF)

25. Siaha West-II H. Sahlo (INC)