Lei che vangin In pakhat \hiat

Tunhnaia ruah sur nasa nghawng kal zelah nimin khan Serchhip Saron Veng-a F. Van-lalsiama In chu \hiah leh a ni.

F. Vanlalsiama In hi a ban leh Beam RCC hmanga sak niin a chunglam hi Assam Type-a chhunzawm a ni thung a, he In awmna lai lei hi nikum Fur lai pawh khan lo che tawhin an lungrem chimin bungrua te pawh thiarchhuah a ni a, amaherawh chu Lei hi a chet zui tak loh avangin luah zui lehin kar kalta a ruahsur nasa ah khan Lei hi che lehin nikum-a lungrem chim, kumin April thlaa an rem \hat te pawh a chim leh vek a, kar hmasa Thawhlehni khan In luahtute pawh hi an inthiarchhuak nghal a, sorkar thuneitute hriattir a nih hnuah SDO (Sadar), R. Vanrengpuia chuan a hmunah tlawhin a enfiah hnuah In hi \hiat mai turin a ti a, hemi ang hian nimin khan In hi \hiah a ni ta a ni. He In-ah hian puitling 4 leh naupang 2 an cheng a, In neitute hian In sak lehna turin inhmun an neihloh thu sawiin, In sak \hat leh ngaihna an hriat rihloh thu an sawi bawk.