MZP Hqrs. Serchhip in zirlai ti\hate an chawimawi

MZP Hqrs. Serchhip buatsaihin nimin khan Serchhip District chhunga zirna In a\anga HSLC leh HSSLC 2017 Exam-a Distinction a pass chinte lawmpuina hun Serchhip DC’s Conference Hall-ah neih a ni a, he hun hi School Education changtu Parliamentary Secretary, Joseph Lalhimpuia chuan Khuallian niin a hmanpui a ni.

Zirlai ti\hate chawimawina hunah hian Joseph Lalhimpuia chuan kuminah zirlai ti\hate chawimawina hunah a tel nual thu sawiin, heng chawimawi tlak zirlai naupangte a\anga hian an thawkrimin Pathian an \ih em em tih a hmuchhuak tih a sawi a. Hetiang mi tam tak kan ramin kan neih avang hian kan hmakhua hi a eng a, nasa takin kan ram hi a \hang chho dawn a ni, a ti. Sorkar chuan zirna lamah nasa takin hma a la tih pawh sawiin, zirna In leh zirtirtute pawh masa taka thuam\hat an nih thu leh Syllabus pawh NCERT ruahman ngat hmang in English Medium leh Mizo Medium-a zirlaiten text book inang vek an hman tak thu a sawi a, budget lama hlawh indaihlo a awm reng \hin pawh kum 2014 a\angin tihbo a ni tawh tih a sawi a. Chuvang chuan a thawktute lakah pawh sorkar besei a sang a, a tlin nganglo te chu dim vak an tum lo tih a sawi bawk.

Khuallian chuan zirlai chawimawina dawngte chu a hnu zela chawimawi tlak nih tum tlat tur leh an hnunga mite tana entawntlak nih tum tlat turin a fuih a, tunlaiah tharum chu chakna nilovin hriatna chu chakna hnar zawk a nih thu sawiin, “Hre tam apiang an dingchanna khawvelah kan cheng a ni,” a ti a. Serchhip khawpui chu zirna \hatna hmun, miten an pan ruih ruih tlaka buatsaih zui tum turin zirtirtute, zirlaite, khawtlang hruaitu leh mipuite chu a chah bawk.

He hunah hian Khualzahawm, District Education Officer, Lawmawma pawhin Serchhip District chhunga zirna in hmaa sawn theihna tura sorkar hmalakna hrang hrangte, hmachhawp la awm te leh \hahnem ngaih kan mamawhna lai nia a hriatte a tarlang bawk.

Nimin a zirlai ti\ha chawimawina hunah hian Serchhip District chhunga HSLC leh HSSLC Exam-a Distinction-a pass zirlai 30 te hnenah chawimawina hlan a ni a,, heng mite bakah hian Zarzosanga, Serchhip College a thawk, tunhnai maia Doctorate Degree dawng thar hnenah lawmpuina hlan niin Lalduhawma Khiangte, PCR High School zirtirtu hnenah zirtirtu \ha chawimawina an hlan bawk a ni. MZP Hqrs. Serchhip in zirlai ti\hate an chawimawina hun hi Laltlanmawia, Finance Secretary, MZP Hqrs. Serchhip chuan kaihruaiin an President, T. Biakchamliana pawhin thu a sawi a, Zirlai chawimawina atana thuziak (Citation) tum saktu, State Bank of India Serchhip Branch Manager, Kishore Singh leh MZP General Hqrs. aiawhte pawhin thu an sawi bawk a ni.