June 9-ah Green Mizoram Day

State Level Committee on Green Mizoram chu nimin khan an Chairman, Chief Minister, Lal Thanhawla hova \hukhawmin Green Mizoram Day, June ni 11 a hman \hin chu kumin hian Chawlhni (Sunday)-a a tlak avangin June ni 9 -ah Green Mizoram Day hi hman nise an ti.

Chief Minister, Lal Thanhawla hova State Level Committee on Green Mizoram \hukhawm hian kumin a Green Mizoram Day hman dan tur relin, kumdang a June 11-a Green Mizoram Day hman \hin chu kumin ah Sunday a nih avangin June 9-ah hman nise tiin, Green Mizoram Day thupui atan ‘Thing phun la, tuihna siam rawh’ tih chu an thlang a, Green Mizoram Day a thing phun tur chu a remchang a piang phun lova, a phunna hmun zir a species thlan nise, heng thing \iak te hi a upa leh a lian deuh thlan nise, State Level Committee a\angin media hrang hrang ah thuchhuah puan-chhuahna neih nise tih te leh Talk Show pawh neih nise tih te chu meeting ah hian rel a ni a. Green Mizoram Day ah hian kangmei laka venna kawnga District ti \hate hnenah lawmman hlan an ni dawn bawk a ni.

He \hutkhawm ah hian Chief Minister chuan sum, tha leh hun senga kum tak tak kalta a\anga Green Mizoram Day a thing leh a \iak phun te chu an damkhawchhuah theih nan a enkawl zuina lam kan ngaihtuah leh ngaihpawimawh a \ul thu leh \hangtharte hnenah thingphun pawimawh zia te hrilhhriatna leh zirtirna lamah \anlak a ngaih thu a sawi a. Mizoram-in bio-diversity a neih \hat thu sawiin, hemi humhalh turin thingphun leh ramngaw siam a pawimawh thu te, tuihna kang chat mek siam\hatna kawng te, sik leh sa inthlak danglam global warming tih zia-awm nan te leh leihnuai tui chiah chin Water Level tihsan nan te thingphun hian awmze thui tak an nei tih a sawi bawk. Green Mizoram Day hman tirh 1999 a\anga nikum 2016 thlenga Green Mizoram Day a thing \iak phun leh sem tawh chu 36,58,174 a tling tawh a ni.