Consumer te i harh ang u - XIII

I hriat loh Insurance Policy tha tak i lo nei reng a nia

- Laldinpuia

Secretary,

Serchhip District Consumer Association

Gas Cylinder puak avanga bungraw chhia, In leh lo chhia leh harsatna tawk hi India rampumah kumtin tam tak an awm \hin a, Mizoram ngeiah pawh kan awm ta fo mai. Amaherawh chu heng harsatna tawk te hian Gas Cylinder puak emaw, Gas leak emaw avanga chhiatna leh harsatna kan tawh te hi Court-a kal emaw, Insurance Company-a zangnadawmna dil nachang kan hre \hin lova, a thlawnin kan tuar a, a thlawnin bungraw man tam tak tak kan sengral \hin. LPG Gas Consumer te hian Insurance Policy hi \umkhat tawhsual tawhah cheng nuai 50 thleng kan claim thei a ni tih hria erawh hi chu tlem te an ni! 

LPG Gas Consumer te hi sorkar hian Insurance Policy \ha tak mai min lo siamsak reng mai a, he policy atan hian Gas Company lam hian Insurance Company hnenah kumtin Policy Premium pawisa tam tak tak a chawi \hin a. Mahse mipui lamah hriattirna (awareness) a \hat tawkloh avangin Gas puak avanga harsatna a thlen tam ang huin Insurance Company a zangnadawmna claim an awm mumal \hin lo. Hei hi mipui ten kan hriat a kan dikna chanvo kan dinchhuahpui \hin a \ul hle a ni. 

Gas Connection kan neih anih chuan keimahnin a hranpaa Insurance Company dawr kher ngai lovin Insurance Policy \ha tak kan nei tel sa reng tih kan hriat a \ha khawp mai. PSU Oil Marketing Company hrang hrang HPCL, BPCL, IOCL (Mizoram-a Mizofed tena kan hman hi IOCL a ni) te hian an Customer te hnenah Insurance Policy hrang hrang an duan sak a, heng insurance policy hrang hrang te hi a tlangpui hetiang hi a ni –

1) LPG avanga mimal thihna a thlenin mi pakhatah cheng nuai 6 zel zangnadawmna pek theih a ni.

2) LPG avanga mimalin tawhsual an tawh a, damdawi In-a a inenkawl ngai emaw, damdawi hmanga inenkawl ngai anih chuan mi pakhat zelah cheng nuai 2 thleng pek theih a ni.

3) LPG chhiatna avanga bungraw tihchhiatah zangnadawmna cheng nuai 2 thleng pek theih a ni.

4) Chawhrualin kumkhat chhungin LPG avanga chhiatna hrang hrangah a vaiin cheng vaibelchhe 10 thleng pek theih a ni.

Heng policy \ha tak tak te hi mipui lamah puanzarna mumal a awm lova, mipui ten kan hrelo a chuvang chuan kan harsatna te kan lo tuar liam mai mai \hin.

Engtin nge kan Claim ang?

LPG avanga chhiatna emaw, thihna emaw tawk kan awm anih chuan hetiang hian hmalak tur a ni ang.

1) LPG avanga chhiatna tawk emaw, thihna thleng a awm anih chuan Gas connection neihna Distributor hnenah a rang thei ang bera report tur a ni. (Mizofed-ah emaw, mimal Agency connection kan neihna hmunah).

2) Distributor te chuan Area Office lamah an report anga, anni’n chhiatna thlen dan te zirchiangin Insurance Company lamah report an thehlut ang.

3) Mimalin direct in Insurance Company dawr a ngai lova, agency kaltlanga tih tur a ni.

4) Thihna a thleng a nih chuan Death Certificate leh Postmortem result thehluh tur a ni. Thihna thleng lova inhliam emaw, an awm anih chuan Doctor lehkha leh damdawi In bill, damdawi leina receipt zawng zawng thehluh bawk tur.

5) Tichuan Insurance company lam ten hma lo lain a \ul angin zangna-dawmna an rawn pe tawh mai dawn a ni.

Amaherawhchu: Insurance claim hi thil awlsam taka a lan lai hian mipui lam hian dan zawm tur kan nei ve tih erawh kan hriat a ngai. Gas Cylinder te a dan dik taka kan hman a, kan Gas pipe, lighter,stove etc ang te sorkar pawmpui ISI mark chuang ngei kan hman erawh a ngai ve thung tih kan hriat tel a \ha.