Tunkar Zirtawpni khian Serchhip-ah Green Mizoram Day hman a ni dawn

Tunkar Zirtawpni, June 9, 2017 khian Serchhip-ah pawh Green Mizoram Day hman a ni dawn a, Green Mizoram Day hman dan tur ngaihtuah hian Serchhip District Level Green Mizoram Committee chu niminpiah tlai khan District Bawrhsap, Sangchhin Chinzah hovin an \hukhawm.

He \hutkhawm Bawrhsap Pisa-a neih ah hian District Level Green Mizoram Committee Chairman, Sangchhin Chinzah chuan thing leh mau te an chereu zel avanga kan tawrhna hi khawvel huapa kan thlir thiam lo anih pawhin kan ngaihven duh anih chuan kan hriatthiam theih mai thu sawiin, “Hman ni lawkah chuan kan chenna In te, kan Pisa-ah te Fan vuah a ngailo a, boruak a nuam tawk kan ti \hin. Mahse tunah chuan Fan vuah mai duh tawk lovin chhungkaw tam tak chuan Air Condition (AC) kan lalut fur tawh mai a ni. Thing leh mau humhalhna kawngah nasa zawka kan \hanharh a ngai a, Green Mizoram Day hnuaiah Serchhip leh a chhehvel hi a zau thei ang ber a hring vek ngei tur a ni,” a ti.

Kumin Green Mizoram Day hi Pathianni a nih avangin June ni 9 (Friday) hian Mizoram pumah hman tur a rel a ni a. Kum 2015-a Department hrang hrangten chanpual an semna Zawlpui kawng leh Eklavya School Compound-a hma an lakna te umzui turin Committee hian ruahmanna an siam a. Kum 2016 khan State Level Day hi Thenzawl-ah hman a ni a, chu chu District hian a zawm ve avangin kum 2015 a plot insem te kha kumin hian umzui a, a \ul anga phun belh leh hung \hat tur a ni dawn a. A hawnna inkhawm tawi hi Zawlpui kawnga DC Plot Area-ah zing dar 10:00 ah buatsaih a ni anga, chumi hnuah Department tin ten an chanpual \heuh te an pan nghal dawn a ni.

Kum danga lo tih \hin angin Green Mizoram Day-ah hian ramkang ven lama chanchinbu thawk\hate hnenah te, ramkang ven kawnga thawk \ha khua ho hnenah te, Green Mizoram Day thingphun enkawl zui \ha Department emaw pawl hnenah te lawmman siam leh tum a ni bawk. Niminpiaha District Level Committee in ruahmanna a siam lai hian State Level ruahmanna la hriat kim chiah loh deuh anih avangin State Level ruahman dan a zira a \ul anga tih danglam theih tura dah a ni bawk. He Meeting-ah hian District Level Committee member te an kal \ha hle a ni.