Sangha khawitute tan Sangha khawi dan zirna buatsaih

Nimin khan Fisheries Department, Serchhip District chuan Lersia Hall, North Vanlaiphai ah Sangha khawitu thlan bikte tan Sangha khawi dan inzirtirna hun a buatsaih a, he training hi tunhnaia Fisheries Department-in Sangha khawi \anpuina a pekte tana buatsaih a ni.

He hun kaihruaitu District Fisheries Development Officer, Zonuntluangi chuan Hrangturzo Circle chhunga mipuite chu Mizo mipuite hriata Lui dung Sangha humhalh kawnga hma la hmasa leh midang tihhmuhtu an ni chu lawmawm a tih thu a sawi a. Kan tu leh fate tan ram nuam leh chhenfakawm kan hnutchhiah theih nan kan ram luidunga nungchate venghima, duat taka enkawlin \an la thar leh zual turin kalkhawmte a chah a. Mizoram in Sangha tam zawk kan tharchhuah theih nana theihtawp chhuah turin leh \anpuina ringawt beiseitu nilo turin a ngen a. Chutih rualin \anpuina an dawng thei erawh chu a lawmpui thu sawiin, Sangha chu eitur hrisel anih avangin Sangha ei uar turin a chah bawk a ni.

He Training-ah hian Fisheries Technical mithiam ten zirtirna pein, Buh kar (Leilet) a Sangha khawi dan leh Sangha dil laih- a hmunhma thlan dan leh mahni Sangha no tharchhuah hmanga Sangha khawitute an intodelh theih nan Sangha no neihtir dan uluk takin a lem nena entirin zirtirna an pe a ni. Hrangturzo Circle chhungah hian Fish Farmer Development Agency hnuaiah \anpuina dawngtu mi 46 an awm a, \anpuina dawng thar ten Sangha dil an laih te an endik nghal bawk a ni.