Chhan hriatloh in Champhai-ah vawk thi tam

Tunhnaiah Champhai-a Vawk engemzaw zat chu chhan hriatloh in a thi nia sawi a ni a, heng Vawk thi leh damlo taksa them chu enfiah turin Vawiin hian Aizawl thlenpui a ni ang.

AH & Vety Secretary, B. Lalthanliana sawi danin Champhai khua-ah hian Vawk engemawzat a thi a, a damlo bawk tih thu an dawng a, Vety Department hnathawkte chu heng Vawk thi leh damlo te taksa them hi endik tura la tura hrilh an ni a, an lakkhawm hi Aizawl lamah thawn a ni dawn a ni. Vawk thi leh damlo hri vei hi enge hriat a la ni lova, a thite hi vawk neitute’n an phum nghal zel avangin a sample lak hleih theih a ni lova, damlo sample erawh lak a nih thu B. Lalthanliana chuan a sawi. Vety Department Secretary chuan he Vawk natna hi PRRS nge a niha Vawk pulhri pangngai (Classical Swine Fever) tih chu endik hnu-ah chauh sawi theih a nih tur thu a sawi a ni.

Hetihlai hian Champhai District Vawkvulh Association hotute chuan Champhai Venglai leh a chhehvelah hian Vawk 25 aia tlemlo chu tunhnai a\ang khan a thi tawh niin an sawi a. He Vawk pul hri hi kar hmasa lam a\anga darh \an kha niin an sawi a. An pawl Secretary, Lalrinzuala chuan Vawk thite hi rei pawh damlo hman lovin an thi mai zel niin a sawi a, a natna hi a rang hle niin a sawi. Nikum khan Porcine Reproductive and Respiratory Syndrome (PRRS) avangin Mizoram-a District paruk-ah Vawk leh Vawkte 4,000 dawn a thi a, Champhai District-in tuar nasa berin Vawk leh Vawkte sang thum chuang an chan a ni.