District Level Children’s Science Congress neih dan tur thlirho

Kumin a District Level Children’s Science Congress neih tur chungchang inhrilhhriatna chu nimin khan Serchhip District chhunga Middle School leh High School Zirtirtute tan buatsaih a ni.

Serchhip District Level Children’s Science Congress hi kumin August thla emaw, September thla emaw khian neih tura ruahman a ni a, hemi chungchanga inhrilhhriatna leh inzirtirna hi nimin chawhma dar 11:00 khan SSA Block Resource Centre, Serchhip-ah neih niin he hun hi Serchhip SDEO, Vanlalchhana chuan a kaihruai a, Resource Person, AK. Chanchal, Academic Coordinator leh Saihmingthanga Sailo, District Coordinator te chuan District Level Children’s Science Congress neih dan tur leh zirlai ten Project an siam dan tur te an zirtir a ni.

He hunah hian District chhunga Middle School leh High School a\angin zirtirtu mi 30 vel telin heng mite hian District Level Children’s Science Congress-a tel tur an zirlaite chu an tihdan tur te an zirtir chhawng ve leh dawn a ni. District Level Children’s Science Congress hi zirlai nau-pang, kum 10 a\anga 17 rual ten kan khawtlang nitin a thil thleng leh harsatna an tawh te Science thiamna hmanga an lo hmachhawna an lo sutkian theih dan tur inzirtirna atana buatsaih \hin a ni.