Myanmar a\angin Hel pawl hlau nia insawi raltlan \hahnem tak Mizoram-ah an rawn lut

Mizoram chhimlam Siaha District chhunga Myanmar ramri hrul khaw pahnih, Khaikhy leh Lungpuk-ah te kar kalta tawplam khan Myanmar a\anga raltlan mi 300 dawn an rawn lut a, heng mite hi Myanmar hel pawl, Arakan Army intiten an vau avanga Mizorama lo tlanchhia nia hriat an ni.

Thudawnna in a sawi danin Mizoram chhimlama khaw pahnih, Khaikhy and Lungpuk-a Myanmar a\anga raltlan an rawn luh thu hi ramri ven hna thawktu Assam Rifles te chuan Zirtawpni khan hriain hemi bawhzui hian heng khua te hi an pan nghal a, heng khua te hi ramri hnaih taka awm niin inkalpawhna leh inbiakpawhna kawngah harsatna a awm avangin Inrinni, May 20, 2017 zing khan Lungpuk khua hi an thleng thei chauh a, heng raltlan te hi khawchhung mipuite chuan eitur leh an mamawh thil dang an neih ang ang an lo pe a, Assam Rifles te hian raltlante endik hna thawk nghalin Lungpuk khua ah hian mi 200 chuang an rawn lut tih an finfiah a, an zinga a tam ber chu hmeichhia leh naupang an ni. Hei bakah hian Khaikhy khuaah pawh raltlan hi an lut tih thu an dawn bawhzuiin Assam Rifles te hian Inrinni chawhnu lam khan Khaikhy hi an lut a, he khuaah hian raltlan 77 an lo lut tih an finfiah a, raltlante hian Myanmar Chin State huamchhung Ralie khaw mi an nih thu leh hel pawl Arakan Army inti ten vau avanga tlan chhia an nih thu Assam Rifles te hi an hrilh a ni.

He thil thleng hi Siaha District thuneitute pawh hriattir nghal niin anni pawhin raltlante hi an endik nghal a, Lungpuk VCP chuan Siaha DC hnenah heng raltlan te hi a \ul anga \anpui tura ngenna thlen tawh bawk a. Assam Rifles lam pawhin heng raltlan te hi an hriselna dinhmun enfiah sakin damdawi an mamawh tur ang te an ngaihtuah sak nghal bawk a ni.

Assam Rifles thuchhuah tarlan danin, Zokhawthar Post-a Assam Rifles Commander chuan he thil thleng chungchang ah hian Myanmar sipai hotute be pawp nghalin, heng raltlante him taka an khuaa an let leh theihna tura venhimna \ha tak pe turin a ngen tawh bawk a ni. Khaikhy and Lungpuk te hi Mizoram chhimtawp a awm niin ramri hnaih ber ber khua te an ni.