Serchhip Sub-Hqrs. YMA in Rorel Inkhawma an thurel hrang hrang bawhzui dan tur an rel

Sub-Hqrs. YMA Serchhip chuan nimin khan Sub-Hqrs. YMA Coordination Committee (SCC) \hutkhawm neiin YMA Rorel Inkhawm vawi 1-na neih zawh tak an thlirlet bakah rorel bawhzui dan tur an sawiho.

Nimin a SCC \hutkhawm Serchhip Sub-Hqrs. YMA Committee Room-a neih hi an President, R. Sanghmingthanga chuan kaihruaiin April 20, 2017-a Sub-Hqrs. YMA Rorel Inkhawm vawi 1-na neih zawh tak chu a hlawhtling thawkhat nia an hriat thu an sawi a, hun lokal zel tura siam\hat ngai leh tihdan \ha zawk nia an hriat te pawh an sawiho bawk.

Hemi hnu hian he Rorel Inkhawm a an thurel bawhzui dan tur sawihoin State pawn a\anga lakluh thlai leh Sangha an sawngbawl danah mihring tan hrisel tawklo nia hriat Central YMA in zirchiang se an tih chu Central YMA-ah thlen nise tiin Mizoram thil siam leh tharchhuah uar zawka hman a nih theih nana hmalak an rel chu SEC in lo bawhzui se an ti a. Sub-Hqrs. YMA leh Group YMA Conference hun neih dan tur ruahmanna siamin Group YMA Conferenc chu March thla chhunga neiin Sub-Hqrs. Con-ference chu April thla chhunga neih nise an ti a. RTE Act-a No-Detention clause paih anih theih nana hmalak an rel chu Central YMA-a thlen an rel bakah Aia upa zawkte zahna kawnga inzirtir leh School naupang zirlaibu a telh a nih theih nana hmalak te, North Eastern Development Finance Corporation Limited Sechhip-a a awm theih nana hmalak leh Serchhip-a District Employment Office leh District Sports Office dah tura hmalak an rel bakah Thenzawl kaltlanga Serchhip leh Buarpui inkar kawng laih mek chak zawka hmalak a nih theihna tura hmalak te chu SEC kutah dah a ni.

Nimin a SCC \hutkhawm ah hian Sub-Hqrs. YMA huamchhunga Group pathum a\angin rorel Palai \hahnem tak an rawn tel a, YMA-a hruaitu hna hun rei tak lo chelh tawh leh nizan hmasa a boral ta, T. Rosiama sunna hun pawh nimin \hutkhawm ah hian neih a ni bawk. Sub-Hqrs. Coordination Committee (SCC) hi Sub-Hqrs. YMA rorelna sang ber dawttu niin Conference dawttu a ni a, SCC Member-ah hian SEC Member bakah Sub-Hqrs. huamchhunga Group YMA aiawhte pawh an tel a ni.