North Eastern Council (NEC) Meeting vawi 66-na ah Prime Minister hmathlir tih hlawhtlin \ul a tih thu CM in sawi

North Eastern Council (NEC) Meeting vawi 66-na chu nimin khan New Delhi-ah neih a ni a, he meeting pawimawh takah hian Mizoram Chief Minister, Lal Thanhawla pawh Hmarchhak state dangte Governor leh Chief Minister-te ruala NEC atana Prime Minister hmathlir tih hlawhtlin \ul a tih thu a sawi.

Nimin a North Eastern Council (NEC) Meeting-ah hian Chief Minister, Lal Thanhawla chuan nikum a NEC meeting vawi 65-na a NEC kal zel dan tur hmathlir Prime Minister, Narendra Modi-a’n a neih chu kum khat a ral hnuah pawh thil tih tak tak a awmlo nia a hriat thu sawiin, he thilah hian DoNER Minister leh NEC Chairman te chu Prime Minister hmathlirna tihlawhtling turin a ngen a, NEC dinchhan tih hlawhtlin anih theih nan hmathar lak a \ul thu te leh Hmarchhak mipuiin Prime Minister chunga beiseina sang tak an neih thu te a tarlang bawk. Chief Minister chuan NEC sum mamawh ang ruahman a pek a \ul thu sawi langin, sum pekchhuah a tlem avangin duh angin hmasawnna hna a thawh chak theih loh tih a sawi a, Kum thum atana cheng vbc. 7500 vel Draft Plan, Council hmaa pharh chu NLCPR sum tling khawm a\anga pek nise tiin a rawt a, mahse sum mamawh tunah pek dan anga pek chhunzawm anih chuan Regional Plan hian awmzia a nei thui thei lo nia a rin thu a sawi bawk.

Lal Thanhawla chuan Ministry of DoNER Budget Estimate-ah NEC Scheme-te, Central Sector Scheme anga kalpuia, a sum pawh State Sorkar ah chhunglut lovin Sorkar Laipui in a a ruat Designated Agency te hnenah chhunluh anih chuan Finance Ministry remtihna laka, State Implementing Agencies hnena chhunluh chu thil \ha zawk a ni thei tiin Sorkar Laipui in CCS hnuaia sum te chu Central Agencies emaw, State Im-plementing Agencies emaw ah chhunglut lovin Con-solidated Fund of India kaltlanga state sorkarah a pek tawh laiin NEC sum, heng Central Agency leh State Implementing Agency-te a chhunluh rawtna awm hi zirchian a tul tih  a sawi bawk.

Act East Policy chungchang sawiin Chief Minister chuan he ruahmanna hian Hmarchhak State te, South East Asian ecomomy \hang mek te nena inthlunzawma, sumdawnna hmanga Hmar-chhak tihhmasawn kawngah beiseina a pe a, mahse kum kum 20 a ral hnu pawhin Hmarchhak bial economy-ah hmasawnna tih tham nghawng sawi tur a awm lo, a ti bawk.