Latest News

Serchhip-a YMA Branch hrang hrang ten urhsun takin YMA Day an hmang

Mizoram-a Tlawmngai pawl lian ber, YMA Day vawi 82-na chu nimin khan Mizoram chhung leh pawna YMA dinna hmun hrang hrangah urhsun taka hman a ni.
YMA Day vawi 82-na hi Serchhip-a YMA Branch hrang hrangte chuan anmahni remchan dan angin anmahni Branch \heuh ah an hmang a, Branch tam ber chuan an Branch huamchhunga miharsa leh \anpui ngai te hnenah thilpek hlanin, zingkar ah hnatlang neiin an huamchhunga kawngdung leh hmun remchang leh Thlanmual hmun te an sam a, chhun lama inkhawmna hun buatsaiha hun hmang Branch engemaw zat awmin intihhlimna hun atana hmang pawh Branch engemaw zat an awm bawk a, nizan thlenga hun hmang te pawh an awm bawk a ni. Serchhip Darnam Branch chuan kumin hian Silver Jubilee an hman dawn avangin YMA Day hi a hranpa in an hmang lo a, Dinthar Branch YMA chuan nileng in intihhlimna neiin hun an hmang a. Chhim Veng Branch YMA chuan zingkar ah hnatlang neiin chhun lamah intihhlimna hun an hmang a. Chanmari Branch YMA chuan zingkar ah Thlanmual sam hnatlang neiin chhun lamah inkhawm an nei thung. Serchhip Field Veng Branch YMA chuan Thlanmual-ah hnatlang neiin YMA thing tur an la bawk a, zingkar ah YMA Chhang ten khawlai thenfai hnatlang an nei bawk. Serchhip Vengchung Branch YMA chuan Thlanmual kawng samfai hnatlang neiin tunhnaia ruahsur avanga In \hiat, niminpiah a\anga sak leh chu an chhunzawm bawk a, Saron Branch YMA te chuan zingkar ah Vengchhung thenfai hnatlang an nei bawk a ni.
Hmar Veng Branch YMA chuan chawhma lamah intihhlimna neiin chawhnu lamah inkhawm neiin Sub-Hqrs. YMA President, R. Sanghmingthanga chuan a hmanpui a, Serchhip Kawnpui South Branch YMA chuan zingkar ah hnatlang neiin Bazar vel thenfai hna an thawk a, hemi hnu hian YMA Day pual inkhawm an nei zui a. Serchhip Kawnpui North Branch YMA chuan zingkar ah hnatlang neiin hun an hmang a, P&E Veng Branch YMA chuan hnatlang neiin zan lamah YMA Day pual inkhawm an nei zui bawk a. IOC Veng Branch chuan nizan khan YMA Day puala inkhawm an nei bawk a ni. New Serchhip Venglai Branch te chuan chhun lamah intihhlimna hun an nei bawk a, New Serchhip Bazar Branch YMA chuan New Serchhip Indoor Stadium-ah chawhma lamah inkhawm neiin chawhnu lamah intihhlimna hun an hmang a, New Serchhip North Branch YMA chuan intihhlimna neiin hun an hmang bawk a. Bukpui Branch YMA chuan he Ni pual hian inkhawm neiin hun an hmang bawk a ni.

Comments

Popular News (Last 30 Days)