EE PHE Serchhip in MJA Member te leng-ah sawmin an Department hmalakna hrang hrang a sawipui

PHE Serchhip WATSAN Division-a Senior Executive Engineer, Er. F. Lalsanglura chuan nimin khan MJA Serchhip District Member te leng-ah sawmin an Department hnuaia hmalakna an neih hrang hrangte a sawipui.

He hunah hian Er. F.Lalsanglura chuan Serchhip chu Mizoram hmun lai li, Mizo hlang chênna leh Chief Minister bial a nih avangin hmundanga mite pawhin kawng engkimah hmasawnna chakna hmun ni turin an beisei tih sawiin, hemi tur hian an Department pawhin an theihtawpin \an an la chho mek tih a sawi a, hma an laknaah MJA te nen thawhhona \ha tak an neih a beisei thu sawiin, MJA te chu thawhhopui ah a sawm a ni. An Department hmalakna a tarlan zingah tunhnai thla 2 chhungin Serchhip District chhunga thingtlang khua te chu khawlai-a inthiar awmlohna, ODF-ah inpuang felin, Thawhlehni khan District Verification Team pawhin endik hna an zofel tawh tih a sawi a, an endikna report hi State Level Committee-a thawn a nih hnuah an duh hun hunah an rawn endik tawh dawn tih a sawi a. Tunah hian Serchhip District chhunga Ek In \halo 1346 chu Swachh Bharat Kosh hnuaiah siam\hat sak an ni dawn tih sawiin, pakhat siam\hatna atan hian Rs. 5000/- zel ruahman a nih thu a sawi bawk.

Tunah hian Central sorkarin ti tura a tih angin National Rural Drinking Water Supply Programme (NRDWP) hnuaia mipuite tana tuilakna atana thil siam hrang hrang (intake, reservoir, public point etc.) te a hmun ngeia thlalak (Geo-tagging photo upload) an beih chhoh mek thu leh hemi-ah District \henkhat chu an la Nil laiin Serchhip District chu hmahruaitu a ni mek tih a sawi bawk.

Er. F.Lalsanglura chuan tun dinhmunah Serchhip khawpui châwmtu tui pump-na khawl chu a \ha tawk tih pawh sawiin, harsatna an tawh loh thu a sawi a, Water quality lamah \an lak an tum thu sawiin, Water quality \ha tak mipui te hnena sem a nih theih nan leh Tuikum tui nu lutuk avanga harsatna sutkian nan a bula luite tui pawh lâkfel a ni tawh tih a sawi a, Kawrte tui a\ang hian Serchhip mipui te hnena sem tur tui duhkhawp hmuh a nih thu leh hei vang hian tui tihthianghlimna atana chemical hman pawh 50% zetin hman tlem a nih thu a sawi a, kawrte tui hi Tuikum tui nut chhung zawng chu a rin theih a beisei thu sawiin, kum khat ah thla ruk chhung vek chu an rin theih an beisei tih a sawi a, he Kawrte tui hi hmun thum a\anga la turin ruahmanna an siam mek thu a sawi bawk.

He hunah hian MJA Serchhip District President, C. Lalhminghlua pawhin Journalist te chu mipui leh sorkar inkara palai hna thawktu an ni tih a sawi a, Serchhipa sorkar hnathawk lo awm te thawhpui theih loh an nei lo tih a sawi a, hetihlai hian MJA chuan sorkar Officer te zinga an Department hmalakna media-a puangzar \ha duhlo an awm \hin chu pawi a tih thu a sawi bawk.