Thingtlang mite Digital Literacy lama hma an sawn nan India rampumah PMGDISHA kalpui a ni dawn

Thingtlang hmun kilkhawra awm te tana Internet, Computer leh Smart Phone te hmang thiama (Digital Literacy) nitin nun alo zangkhai zawk theihna tura inzirtirna tur Scheme, Pradhan Mantri Gramin Digtal Saksharta Abhiyan (PMG-DISHA) chu rampumah kalpui a ni dawn.

Pradhan Mantri Gramin Digtal Saksharta Abhiyan (PMGDISHA) chungchang ngaihtuah hian nimin khan Champhai District Level Committee on PMGDISHA chu Champhai-ah an \hukhawm a, he huna tarlan a nih danin PMGDISHA hi India rampum thingtlang hmun kilkhawra awm te tana Internet, Computer leh Smart Phone te hmang thiama (Digital Literacy) nitin nun alo zangkhai zawk theih nana inzirtirna tur Scheme a ni a, he Scheme hnuaiah hian District chhung hmun hrang hrangah Training Centre dina Zirtirna pek a ni dawn a, heng hmunah te hian zir man a awm dawn lova, zirna hi thingtlang/zokhua (Rural area) mi kum 14-60 inkar Internet, Computer leh Smart Phone kaihhnawiha thiamna neilo, chhungkaw 1 a\angin mi 1 tan buatsaih a ni dawn a. He Scheme hnuaia zir tur hian Schedule Caste leh Schedule Tribe (SC/ST), BPL, Hmeithai, Vohbik (rualbanlo), College drop out leh hetiang lama thiamna neilo zirlai naupang pawl 9-12 te chu duhsak bik an ni ang.

PMGDISHA in a tum ber chu Technology khawvela nitin nun alo awlsam zawk nan a ni a, Smart phone leh internet kaltlanga Tui, Electric Bill pek, pawisa inthawn, Top-up thun, thil lei (online payment) leh a dangte inzirtir a ni dawn a. Hetianga pawisafai tello a mamawh chi hrang hrang lei/lakluh/bill pek etc (Cashless Transaction) thiamna hi chhungtin a\angin member pakhat (1) talin an thiam chuan chhungkaw nun awlsam zawk nan kawngro a su thui dawn hle tih sorkar thuchhuah chuan a tarlang a ni.

Sorkar laipui chuan he scheme hnuaiah hian ramchhunga mihring vaibelchhe 6 (6 Crore) chu March 31, 2019 hma in zirtirna pek hman a tum a, Mizoram-ah chuan mihring 38,000 hnenah pek tura ruahman niin, nimin a he Scheme sawihona nei, Champhai District ah chuan mihring 4500 hnena zirtirna hi pek tura duan a ni.