Serchhip District chhunga ODF-a inpuang thingtlang khua endiktu tur Serchhip a\angin vailiam an ni

Serchhip District chhunga thingtlang khua, khawlaia inthiar awmlohna, Open Defecation Free (ODF)-a inpuang te District Level a\anga endiktu turte chu nimin khan Serchhip District Bawrhsap, Sangchhin Chinzah chuan Serchhip DC Office a\angin a vailiam.

Serchhip District chhunga thingtlang khua zawng zawngte khawilaia inthiar awmlohna, Open Defecation Free (ODF)-a an inpuan hnuah ‘ODF an ni chiah em?’ tih District Level-a endiktu turte chu nimin chawhma dar 10:00 khan District Bawrhsap, Sangchhin Chinzah, MCS, Serchhip District Swachh Bharat (Gramin)-a Chairman ni bawk chuan Serchhip DC Office tual a\angin a vailiam a. District Level Monitoring Team te vailiamna inkhawmah hian District Bawrhsap, Sangchhin Chinzah chuan sorkar laipuiin Swachh Bharat Mission a kalpui mekah ODF chu ngaih pawimawh ber pawl a nih thu a sawi a, District chhung thingtlang khua zawng zawng ODF-a an inpuang vek thei chu lawmawm a tih thu sawiin, District Level-a endik a nih hnu hian State Level-in endik leh an nih dawn avangin a endik tura chhuak turte chu hna pawimawh tak thawk tur an ni tih a sawi a, uluk taka an verification nei tur leh tluang taka an zin kawng te hmang tura duhsakna hlânin a vailiam a ni.

Serchhip District chhunga thingtlang khua te ODF-a an inpuan hnuah hian District Level-a endikna neih a nih hmain ODF khuaa inpuang te hi Block Level-ah endik an lo ni vek tawh a, hetianga endikna neih a nih hnu hian District Level-a endik leh tur niin District Level-a endiktu tur Monitoring Team te hi team hnihah in\henin, Serchhip Block leh E. Lungdar Block a\anga endik tura thlanchhuah khaw 5 ve ve-ah verifi-cation hi an nei dawn a ni.

Nimin a District Level ODF Monitoring Team te vailiamna hun tawi hman hi Serchhip District Swachh Bharat Mission (Gramin) Member Secretary Er. F. Lalsanglura, EE, PHE Depart-ment, ni bawk leh R. Vanrengpuia, SDO (Sadar) te pawhin an hmanpui a ni. Serchhip District chhungah hian SBM (Gramin) hnuaiah hian khaw 35 an awm a ni.