Consumer te i harh ang u - XI :

Mipui ten Bank Account i chhawr tangkai ang u

- Laldinpuia

Secretary,

Serchhip District Consumer Association

Mizote hi pawisa khawl kan thiam vaklo nge ni chu aw tih tur a ni, tunhnaiah NREGS inhlawhna tunhmaa VC kut a\anga kan lak mai \hin kha, mipuite Bank Account \heuhah Central lam a\anga thun a ni ta a, hei hian mipui min tibuai hle mai a, a system dikloh lam ni lovin mipui ten kan hriatfiah tawkloh vang leh kan Bank Account a pawisa awm kha lakchhuah vat loh chuan bo leh mai thei anga ngai te kan awm \hin avangin lakchhuah vek tumin hna \hulhin nitin Bank kan dawr a, kan buai phili hle \hin mai. Hetia kan pawisa lolut te lakchhuah tuma Job Card nei zawng zawng deuhthaw in Bank kan dawr \hin avang hian Bank hnathawktute pawh an indaihloh phah \hin hle niin a lang, hemi chungchangah hian mipui ten thil hriatfiah tawkloh emaw, ngaih\hat zan lohna emaw kan nei ni berin a lang a, chuvang chuan mipui tena kan hriattlan tur thu tlem i han tarlang teh ang :

Bank AC-a pawisa hi a neitu ta a ni :

Kan Bank AC a pawisa awm hi Account neitu (keimahni) ta a ni a, tumahin kan phalna la hmasa lovin an khawih che theilo tih hriat tur. Kan Account a pawisa kan hriatloha lo lachhuak emaw, lo tidanglam emaw chu dan kalh a ni a, hrem theih a ni a, rukru anni tihna a ni. Bank Account nei tan chuan kan account a pawisa hi kan ta a ni a, a bo thlau ve mai mai theilo ani tih hi kan hriat a \ul. Kan sum leh pai khawl ang ang te hi Bank ah hian dahlut zawk ila, mahni Inchhunga Almirah kila dah ai pawhin a him daih zawk a ni.

Bank Account hi pawisa khawlna \ha tak a ni :

Mizote hian Bank awmzia leh a kalphung, mipui te tana an mawhphurhna leh an hnathawh \ha tak tak te hi kan hrechiang tawklo niin a lang. Bank Account hi pawisa lakchhuahna leh dahluhna ngawt a ni lova, document vawn \hat nan te, sum khawl leh peipunna atan te pawh \angkai takin a hman theih a ni.

Chuvang chuan kan Bank AC a pawisa awm hi lakchhuah vek kher tum lo ila. NREGS hlawh a lut tih vanga Bank a kan Account a pawisa lut ang ang lakchhuah kher kan tum \hin hi kan insiamrem thiam a \ul hle mai. A telloin kan awm thei tho niin a lang si a, chuvang chuan heng kan Account a pawisa lut te hi a vaia lachhuak vek kher lovin kan mamawh chin te chauh lachhuak \hin ila, tichuan pawisa tlem tlemin kan khawlkhawm zel tihna a ni ang. Bank AC kan hawn tawh chuan kha kan Account-ah khan pawisa kan duh zah zah kan dahlut thei a, a him em em a, Bank hnathawktuten min enkawlsak anih avangin kan pawisa te a bo hlauhthawnna pakhatmah a awmlo a ni.

Tunah chuan Bank Account hi a pawimawh ta hle mai a, Scholarship, Gas Subsidy, NREGS hlawh, pension etc. thlengin Bank Account tello chuan a lak theih ta lova, hetihlai hian mipui te hian hetiang anih theihna tura sorkar ruahmanna hi kan hriat a \ul a, sorkar in-a corruption dona leh sum leh pai inhlanchhawnna awlsam zawk nia a hriat avangin sorkar a\anga \anpuina chhuak reng reng Bank Account kaltlang zel a ngai tawh a ni. Kan Bank Account te hi pawisa khawlna \ha tak a ni tih hre thar leh ila. NREGS hlawh lak hmasak apiang hman zawh nghal vek zel tumna kan neih \hin hi dah bovin, a telloa kan awm theih tho chuan heng NREGS leh Gas subsidy ang te hi kan Bank Account-ah khawl zawk ila, nakinah keimahni mamawh atan chuan kan lachhuak leh mai thin zawk dawn a ni.

Mipui te hian tunlai khawvela changkanna ina a ken tel, kalphung inthlak mek hi zirchiang ila, heng te avanga buai a, sawiseltu a \ang lovin a kalhmang hria leh hmang \angkaitu zawk nih tum \heuh ila. Kan inzir thiam anga kan la chhawr \angkai thei em em dawn a ni. Mithiam zawk tena kaphung thar an duanchhuah leh chindan thar min hmantir hi hnualsuat ngawt lovin a hman \angkai dan i zir zawk ang u. Digital Age-a cheng kan nih tawh avangin kawng tam takah inzir thar zel kan ngai a ni.