MZP buatsaih HSLC Exam result chhuaka zirlai titha chawimawina hun CM in hmanpui

Mizo Zirlai Pawl (MZP) General Headquarters buatsaihin nimin khan High School Leaving Certificate (HSLC) Examination 2017-a Top 10-a Mizo zirlai 13 tlingte chawimawina hun chu Aizawl-a Lal Thanhawla Auditorium-ah hman a ni a, he hun hi Chief Minister, Lal Thanhawla chuan a hmanpui a ni.

HSLC-a zirlai ti\hate chawimawina hunah hian Chief Minister chuan zirlai ti\hate hlawhtlinna chu a lawmpui thu sawiin, Tum (ambition) mumal tak neih chu hlawhtlinna bul ani tih hre renga tun a\anga tum mumal tak neia lehkha zir turin zirlaite chu a chah a. Tunlai khawvel \hang chho mekah thiamna a san tawh avangin khawvel chu Global Village pakhat ang maia sawi a ni \hin tih sawiin, thiamna a sang tawh a, khawvela thil thleng te hi kan kutah hum theih a awm a, hengte hi kan tana \angkai tur, kan tana \ha kan hman thiam a \ul a, chutih rualin hriat tlemna hi thil hlauhawm tak ani tih hi kan hriat a ngai bawk a, chuvangin heng thiamna te hi eng hi nge kan \angkaipui theih tih kan chhut thiam a ngai, tiin chutiang zawnga \an la turin a chah bawk.

Zirna kawngah Sorkarin zirna \ha (quality education) leh ram pawna thawnchhuah tlak zirna (export quality) siam chu a tum ber a nih thu sawiin, “Mizoram-ah Industry leh Corporate Sector te kan nei lova, hna petu (job provider) lian ber chu Sorkar a ni a, Sorkar hnaah tute mah kan leng vek dawn lova, chuvangin tun a\anga ramchhung leh rampawna kan zirlaite thawk turin in rilru inpuahchah a ngai a, chutiang rampawna thawk tlak ni turin in zir a ngai a ni,” a ti a. All India Civil Services-ah Mizo kan tlin thei nan sorkar in Coaching Class a ruahman mek thu a sawi bawk.

Nimin a zirlaite chawimawina hunhi MZP Vice President, B. Vanlaltana chuan kaihruaiin he hunah hian Chief Minister hian zirlai ti\ha mi 13 te hi MZP in Citation leh thilpek an buatsaih te chu a hlan a. MZP lam pawhin Chief Minister hi chawimawina an buatsaih an hlan bawk a. Tun thla ni 5 leh ni 6-a Bandarban, Bangladesh-a Zohnahtlak Bawn ten inkhawmpui an hmanna a Chief Minister tana lawmpuina Citation an siam MZP hruaitu, he khawmpui hmanga kal ten an rawn hawn chu an hlan nghal bawk a ni. MZP Gen. Hqrs. hian kum 1995 a\ang khan hetiang chawimawina programme hi kumtin an buatsaih \hin a ni.