Chhiat tawkte tan YMA in Vehbur a khawn dawn

Central YMA chuan tunhnaia Mizoram-a ruahsur nasa avanga chhiatna tawk te tan Branch YMA kaihhruaina hnuaiah Vehbur khawn nise an ti.

Hemi chungchanga nimin a thuchhuah an siam ah Central YMA chuan tunhnaia Mizoram a ruahsur avanga chhiat tawhna hrang hrangah nunna chan engemaw zat an awm chu pawi an tih thu sawiin, thihna tawk chhungkua te an tawrhpui hle tih an sawi a, he ruahsur kaihhnawiha In leh lo chan chhungkua 650 chuang bakah, huan thlai leh eizawnna engemawzat chan an awm pawh pawi tiin an tuarpui tak zet bawk tih tarlangin, Mizoram chhunga khuarel chhiatna tuartu zawng zawngte chhawmdawl tur leh theih ang anga \anpui ve turin Central YMA chuan Mizo mipuite a ngen a ni. He chhiatna thleng chungchang hi nizan hmasaa Central Executive Committee \hukhawm chuan ngaihtuahin Branch YMA kaihhruaina in chhung tinah vehbur (a sum faiin) khawn nise a ti a, \hahnemngai taka mahni remchan ang ang lo thawh ve turin chhungtin te an ngen bawk a. Mizoram chhung leh pawna pawl hrang hrangte pawh mahni remchan ang tawk tawka chhiattawkte \anpui tura hma la ve tura ngenin, chhiattawk te puala \anpuina pe duh chuan Central YMA Rural Bank Account, Account No. 97003624845 (Khatla Branch)-ah July 31, 2017 thleng thehluh theih a ni ang.

Hetihlai hian Kalay Mizo |halai Pawl ( KM|P Central), Myanmar chuan Mizoram khaw hrang hrangah Tuilian leh leimin tuar te tan hian Vehbur khawn an rel bawk a, Mizo |halai Pawl dinna khaw hrang hrangah Vehbur hi khawnin August 15, 2017-ah chhunkhawm a ni ang.