Hlawk zawka Buh chin dan tur zirhona Serchhip-ah neih a ni

Directorate of Agriculture (Research and Extension), Aizawl leh District Agriculture Officer (DAO) Office, Serchhip buatsaihin nimin khan Serchhip-a leilet neitute tan Lalpuithanga Hall, Serchhip-ah Seeds Village Programme hnuaia Farmers Training neih a ni.

He training hi RL. Thanzuala, Joint Director, Agriculture (R&E) chuan kai-hruaiin leilet neitute tana buh leh thlai chi \ha pawi-mawhna te a sawi a, sorkar laipui pawhin loneitute thlai chi \ha-a an intodelh a duh avangin Prog-ramme pawimawh tak tak a duan thu leh tuna Seeds Village Programme pawh hi hmun hrang hrangah kalpui a nih thu a sawi bawk.

He hun hi Serchhip District Agriculture Officer, James Lalsiamliana pawhin hmanpuiin sorkar hmalakna hnuaia loneitute tana ham\hatna hrang hrang awmte a sawi bawk.

He training-ah hian Kenny Zohmingliana, Scientist, KVK North Vanlaiphai chuan he huna kalkhawmte chu Buh chin dan a zirtir a, Buh an lo chin tawh dan leh Buh chi \ha, Gomati chin dan leh a thar a hlawk dan te a zirtir bawk a, kalkhawmte a\anga zawhna awm te chhang a, he training-ah hian Serchhip leh Chhiahtlang a\angin leilet neitu mi 56 an tel a ni.