MHIP President in MHIP Day Chibai buk

Mizo Hmeichhe Insuihkhawm Pawl (MHIP) General Hqrs. President Lalliani chuan MHIP member zawng zawng bakah Mizoram mipuite chu MHIP Day chibai a buk.

    MHIP Day puala thuchah a siamah MHIP President Lalliani chuan, MHIP Day chu Pathianni a nih avangin a hman hun a inang lo tih a sawi a, an hman hun inang lo mah se, an theihna zawn hrang hrangah midang tana malsawmna ni turin a chah a. MHIP chu Kohhran leh Political Party tih bik nei lo, Kohhran leh Party zawng zawng lenna a ni, a ti. MHIP President chuan Mizo hmeichhia taksa pholang tak taka inchei a, Social Media-a intarlang thinte leh Mizo hmeichhia tihmualpho theihna tur Internet a pholan a ni thin chu pawi a tih thu sawiin, an tu leh fate incheina kawnga uluk leh fimkhur a tulzia in zirtirna kawngah Nu ten tih tur paiwmawh tak an nei tih hriat a ngai, a ti a. YouTuber ten hmeichhe mualpho theihna tur chi post an siam thin chu ti tawp nghal turin a ngen bawk a ni. Hei bakah hian Ram leh hnam khawtlang leh chhungkua a lo dam zel theih nan leh hmasawnna a lo awm zel theih nan leh a chhe lai siamthatu nih theih nan mite tana malsawmna thlentu ni zel thei turin mahni hmazawn theuhah inlungrualna nen hmalam pan zel turin mipuite chu a sawm bawk a ni.