Hachhek Bialtu MLA in kawngpui dinhmun enfiah

Hachhek Bialtu MLA Robert Romawia Royte chuan Zirtawpni leh Inrinni khan Hachhek Bial chhunga kawngpui chhe laite a hmunah kalin a endik a, Mizoram leh Tripura inkalpawhna kawng pawimawh Darlak to Tuidam Road chhe em em Sawrkarin a enkawl dan chuan tah a tichhuak hle nia sawiin, “June 16 leh 17, 2025-a a hmuna ka endik lai aiin nasa takin alo chhe zual tawh a, chu chu Sawrkarin siamtha tura hma a lak tawk loh vang a ni,” a ti a. Hachhek Bial kaltlanga Tripura kalna kawng pawimawh dang, Barabi to Zamuang kawng PMGSY sum hmanga siam mekah Contractor a thawh muan lutuk avangin PWD in ‘Show Cause notice’ an pe hial niin a sawi bawk.