Dan lova kuhva phurh khap

Serchhip District chhungah dan lova kuhva lakluh leh phurh khapna thupek tihchhuah leh a ni a, hemi chungchanga July 25, 2025-a Serchhip District Magistrate Paul L. Khuma’n thuchhuah siama a tarlan danin Serchhip District chhung khaw hrang hrangah dan lova kuhva phur lirthei an kal thin tih hriat a nih thu leh Serchhip District chhungah dan phal loha kuhva phurh a lo tawp theih nan Section 163 of Bharatiya Nagarik Suraksha Sanhita, 2023-in thuneihna a pek angin Serchhip District chhung khawi hmunah mah dan lova kuhva lakluh leh phurh phal a nih loh thu a tarlang a ni. He thupek hian thu leh awm hma chu chhuah a nih (July 25, 2025) atanga thla hnih chhung a huam tur thu leh thupek zawm lo te chu Section 223 of Bharatiya Nyaya Sanhita, 2023 dan hmangin hrem theih an nih tur thu tarlan a ni bawk.