Kumin ah In chhia tam tawh

Mizoram chhunga District hrang hrang thuneituten State Emergency Operation Center (SEOC) an hriattir danin, kumin chhungin ruahsur nasa avanga Inchhia leh In chim 283 a awm a, In rauhsan 345-a awm tawh bawk.

Mizoram chhunga ruahsur nasa avanga In chhia leh In chim hi Serchhip District-ah la tam berin In 102 zet a chhe tawh a, Serchhip District-ah hian In ruahsan 125 a awm bawk. Aizawl District-ah pawh In chhia leh In chim hi 20 awmin In rauhsan pawh 119 a tling tawh a ni. Champhai District-ah In chhia leh In chim 41 a awm tawh a, Lunglei District-ah 26, Siaha District-ah 30, Kolasib District-ah 24,Lawngtlai District-ah 7, Mamit District-ah 6, Saitual District-ah 9, Khawzawl District-ah 10 a awm bakah Hnahthial District-ah 8 a awm bawk. 

SEOC-in a tarlan danin District hrang hranga In rausan zat hi Lunglei District-ah 37, Siaha District-ah 26, Champhai District-ah 5, Kolasib District-ah 6, Mamit District-ah 1, Saitual District-ah 3, Khawzawl District-ah 14 leh Hnah-thial District-ah 9 a awm tawh a. Kumin ruahsur nasa avang hian Mizoram chhungah lei tlahniam hmun 12-ah a awm a, mi parukin nunna an chan tawh bawk.