MCAB Branch thar hawng

East Tuipui bialtu MLA Ramthanmawia chuan nimin khan a Bial chhunga Khuangleng khua ah Mizoram Cooperative Apex Bank (MCAB) Branch thar a hawng a, a Bial chhunga MCAB Branch thar hawn a ni chu lawmawm a tih thu sawiin, Mizoram Cooperative Apex Bank atangin State pawnah pawisa a luangchhuak ve lo a, Za-a za Mizote ta a nih avangin Mizote’n ngaihhlut a tul thu a sawi a, Apex Bank Branch hawn thar tak chu a nihna ang taka hmang tangkai thiam turin mipuite a chah bawk. Nimin-a hawn tak MCAB Khuangleng Branch hi Mizoram Cooperative Apex Bank-in Branch 32 an hawnna a ni a, ATM Booth 39 an enkawl mek bawk.