Aizawl-ah Sipai lak runpui neih a ni dawn

Thla thar August 7-9, 2025 chhung khian Aizawl Mualpui-a Rajiv Gandhi Stadium-ah Sipai lak runpui neih leh a ni dawn.

Indian Army chuan India ram hmun hrang hrangah August thla chhung hian Sipai lak runpui hi kalpui an tum a, Army Recruiting Office, Aizawl pawhin Mizoram District tin atanga Sipai intlar tura tlaka ngaih (shortlisted candidates) te tan Mualpui-a Rajiv Gandhi Stadium-ah ni thum chhung, August 7, 2025 atanga August 9, 2025 chhung khian buatsaih tum a ni. Tun tuma Sipai lak runpui-a intlar tum te tan hian August ni 7, 2025 zing dar 4:00-ah Rajiv Gandhi Stadium-ah hian Admit card leh Rally notification-a document tarlan te nen in report tur a ni a, Shortlisted candidates zingah Admit Card la dawng lo te chuan Army Recruiting Office, Aizawl-ah ngaihven theih niin Shortlisted candidates te hian KM 1.6 tlan, Basic Physical Fitness Test bakah Physical Measurements leh Medical Examination te an neih nghal dawn a ni.

He Sipai lak runpui chungchanga hriatchian duh nei te chuan Army official website www.joinindianarmy.in-ah en theih a ni a, he website-ah hian shortlisted candidates te, Admit Card download tur te, Rally ni a ken tur document pawimawh chungchang te a awm a ni.