Mizoram in Award dawng

Mizoram Tourism Department chuan ram leilung humhalh leh khualzinte hipna kawnga a thawh that avangin ‘Emerging Eco & Nature Retreat Award’ a dawng.m Pathianni khan International Tourism Conclave & Travel Awards vawi 10-na chu New Delhi-a Le Meridien-ah neih niin he hunah hian Mizoram chu ‘Emerging Eco & Nature Retreat Award’ chawimawina hlan a ni a, Mizoram aiawhin Tourism Department Director R. Lalrodingi chuan a dawng a ni. Emerging Eco & Nature Retreat Award hi ram leilung humhalh leh khualzinte hipna kawnga thawk tha leh ram thang duangte hnenah hlan thin a ni a. Mizoram chu Sustainable & eco-tourism lama a thawh that avangin Award hi hlan a ni.