Mizoram Vision Seminar nei

Mizoram Transformation Movement (MTM) General Hqrs., Aizawl buatsaihin nimin khan Serchhip Press Club-ah ‘Seminar on Mizoram Vision 2050’neih a ni.
He Seminar-ah hian MTM General Hqrs. a General Secretary Dr. Vanlal-siama Chhangte chuan MTM chuan kan ram leh hnamin hma a sawnna tur atan an theih ang angin, kawng hrang hranga hmalakna neih chhoh a tum tih sawiin, chutihrual chuan pawl ding thar an la nih avangin an pawl thiltum leh hmachhawp te mipui vantlang hriata puanzar an duh thu a sawi a. Chumi atana hmalakna kawngah he hun hi an buatsaih thu leh hmundang ah pawh la buatsaih zel an tum thu a sawi bawk a. Bible-a Isaia 60:1 ‘Tho la eng rawh’ tih chu an innghahna a nih thu sawiin, ‘Mizoram hi ram intodelh, hmasawn leh Pathian tih ram a siam’ tih chu an hmathlir a nih thu a sawi bawk.

He hunah hian 'Mizoram Vision 2050' chungchang sawiho niin MTM General Hqrs. atangin an President Dr. Lalbiakmawia Ngente leh hruaitu dang te an tel a, Serchhip-a NGO hrang hrang aiawh leh helam a tuimi te an tel bawk a ni.