Serchhip District-ah Current man vangin mi 2 boral

Nimin khan Serchhip District-ah Electric current in a man avanga boral mi pahnih an awm a, Vawiin hian vuiliam an ni ang.
Nimin chawhnu dar 3:00 vel khan Lalhruailiana (46), New Serchhip North-a awm chu Serchhip Bazar Veng-a dawr thar tura Electric wiring hna a thawh mekah electric current in a man a, thudawn danin Electric in a man hnu hian harsatna nei lo mah se a hnuah thawk harsa a tih avangin Serchhip Damdawi In panpui a ni a, damdawi In thlenpui a nih hnu lawk hian a boral zui a ni, A ruang hi nizan khan an chenna In-ah lumen niin Vawiin hian vuiliam a ni ang. Lalzidingi fapa Lalhruailiana hi New Serchhip North Branch YMA-a Vice President nilai a ni.

Hetihlai hian nimin chawhma dar 10:30 rik hma deuh khan Khawlailung Dinthar Veng-a cheng T. Vanlalliannghaka (41) chu Electric Current man vangin a boral bawk a, Vawiin vek hian vuiliam a ni bawk ang. Ruh siam thiam avanga Khawlailung khuaa hriat lar Pu Dengkunga (L) tupa Vanlal-liannghaka hi an khuaa Internet Connection te pechhuaka hnathawk a ni a, nimin chawhma lam khan Airtel Tower-ah hna an thawk tur chu a hna-thawhpui tur mi pahnih te hmuh loh laiin nikhaw hrelo in a lo awm a, ban-a a lawnna tur Leilawn chuan a chung lama Electric hrui chu si palhin Electric in a man zui ta nia rin a ni. A ruang hi nizan khan lumen niin Vawiin hian vuiliam a ni ang.