Petrol leh Diesel rawn thleng thuai tura beisei a ni

Serchhip District chhunga Petrol Pump tam zawk te chuan Petrol leh Diesel rawn thleng mai tura beisei neiin tuialhthei lama harsatna thleng mek pawh a ziaawm thuai beisei a ni.
Serchhip DCSO Office in an chhinchhiah danin Serchhip District chhunga Filling Station hrang hrang 7-ah nimin lam khan Petrol leh Diesel hralhchhuah tur nei lo Filling Station pathum an awm a, heng te hi Serchhip bakah Thenzawl-a pakhat leh North Vanlaiphai-a pakhat te an ni a. Thenzawl-a FS pathum-ah erawh Petrol leh Diesel hralhchhuah tur hi awmin Chhingchhip-a Petrol Pump pawhin hralhchhuah tur tlem an la nei bawk a ni.

Serchhip District chhunga Filling Station pasarih zinga pakhat, Chhingchhip-a Esther Filling Station chauh tih loh chuan tun dinhmunah Petrol leh Diesel rawn thleng tura beisei an nei mek a, heng te hi tluang taka an rawn thleng thei a nih chuan Serchhip District-a tuialhthei lama harsatna thleng mek chu ziaawm chhunzawm mai tura beisei a ni.

Serchhip District chhunga Filling Station pasarih zingah hian IOCL hnuaia Petrol leh Diesel zuar tam berin pali lai an awm a, Bharat Petroleum hnuaia zuar pahnih awmin HPCL hnuaia zuar pakhat a awm bawk a ni.