Chhungkaw 35 te tanpui

Mission Foundation Movement (MFM) chuan Aizawl Vaivakawn Veng-a khuarel chhiatna tuar leh tanpui ngai mi 35 te hnenah nimin khan tan-puina an sem a, chhungkaw 30-te hnenah Alu, buhfai leh dal bag khat theuh pein chhungkaw 5 te hnenah Plastic Tuizem litre 1500 dawng an pe bawk a, Bialtu MLA Lalnghinglova Hmar chuan a hmanpui a ni. Mission Foundation Movement hi Mizoram-ah kum 2001 khan din niin mi chanhai chhawmdawl leh chhiattawkte tanpuina kawngah hma an la thin a, tun dinhmunah hmasawnna atana project kal lai 22 an nei mek a ni.