YMA leh NHIDCL te inkawm

Kawnpui leh Khamrang inkar kawng chhe lutuk chungchangah Central YMA hruaituten NHIDCL Director, Amarendra Kumar chu kawng siam hna thawk turin an beisei tih an hrilh. Nizan hmasa khan NHIDCL Director, Amarendra Kumar hi Aizawl-a Central YMA Pisa-ah lengin Central YMA hotute nen an inkawm a, he hunah hian Mizoram chhunga NHIDCL enkawl kawngpui, a bikin Kawnpui leh Khamrang inkar kawng chhe lutuk chungchang te leh NHIDCL hnuaia thalaite tana Skill Development Training chung-changte sawiho niin Central YMA hruaitute chuan tunhnaia Mizoram chak lakna kawngpui, Kawnpui leh Khamrang inkar kawng chhe lutuk chu a siam-that hna chak taka thawk tura an beisei thu leh hemi chungchangah hian Union Minister of Road Transport & Highways Nitin Gadkari hnenah hma la tura ngenna an thawn thu an sawi a ni.