MLA te Corruption-ah an la fihlim nia hriat thu sawi

ZPM Party chuan nimin khan Aizawl-a an Party Office-ah Chhung Inkhawm neiin he hunah hian ZPM General Hqrs. a Consultant Rev. Dr. K. Thanzauva chuan ZPM an sawrkar theihna chhan pawimawh tak pakhat chu ‘Çorruption kan ti ve dawn lo’ tih kha a ni tih a sawi a, “Kan MLA Candidate zawng zawngin Pathian hmaah an intiam a, Vawiin thleng hian an la fihlimin ka hria a, ka lawm takzet a ni. Kawng a chhia tih pawh kan hria, siam that a la ni zel dawn. Corruption erawh chu CBI, ACB, Lokayukta ten man lovin Court-ah te thiam-chang mah se an asset neih zat kan hria a, Mizoram mipui rilruah thiam an chang chuang lo. Tuna kan ram hruaitute hi term tawp thlengin lo rinawm zel ula; tichuan, kan thlang tling leh ang che u,” a ti bawk.

He hunah hian ZPM Legislature Party Secretary TBC. Lalvenchhunga chuan Khamrang leh Buichali inkar kawng chungchang sawiin, “Tun dinhmunah harsatna lian zual sutkian tawh a ni,” tiin nizan lamah lirthei tangkhang awm tawh lo tura ngaih a nih thu a sawi bawk.