Mizoram-ah Meth man tam

Excise & Narcotics Department leh Assam Rifles tangkawpin tunhnai khan Methamphetamine thahnem tak an man.

Excise & Narcotics Department leh Assam Rifles te hian tunkar Nilaini, July ni 23 zan dar 7:30 khan Champhai Zote atanga Bulfek kawngpui-ah Methamphetamine Kg 1 leh gram 110 (Tablet 10,100) leh a neitu nia puh Lalfakawma (27) Dampui, Myanmar, tuna Champhai Kanan Venga khawsa mek nia inchhal chu an man a. Hemi hnu tunkar Ningani, July ni 24 khan Tuikhuahtlang, Aizawl-ah Methamphetamine Kg 1 leh gram 972 (Tablet 20,000) leh a neitu nia puh mi pathum Taj Uddin (22), Mahub Hussain (21) leh Halal Uddin (21) mi te chu an man leh bawk a. Ningani vek khan Cham-phai District-a Tualte khuah Methamphetamine Kg. 5.555 (mum 50,500) leh a neitu-a puh Ro-chharliana (30) Dilkawn, Champhai District-a khawsa ni-a inchhal an man bawk.

Heng Methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni.