Tunkar-ah raltlan chhinchhiahna kalpui tan tum

Myanmar raltlante kutzia leh mit-naute lakkhawm hna chu harsatna dang a awm loh chuan tunkar chho hian Lunglei District-ah tan hman tum a ni.

Thudawn danin Myanmar raltlante kutzia leh mit-naute thla lakkhawmna tur Foreigners Identification Portal (FIP) a data lo thun chhin tawhte chu Ministry of Home Affairs (MHA) lamin an thianfai mek a. MHA in an thenfai vek hma chuan engmah lo thun tawh lo tura an hriattir bakah biometric data lo lakhawm tawh an awm pawhin lo chhunzawm lo turin an hriattir bawk a. MHA lam hian an thenfai zawh hman chuan Lunglei District chuan Myanmar raltlante biometric enrolment hna hi engtik lai pawhin an tan thei reng tawh tih an sawi a, District dang thenkhat Official-te pawhin ruahmanna an peihfel tawh thu an sawi a ni.

Tun July thla chawhnu lam atanga tan tum, Mizorama Myanmar raltlan awmte biometric enrolment kalpui tanna tur atana sum ruahman chu cheng nuai 38 a nih thu Mizoram sawrkar-a Home Secretary Vanlalmawia'n a sawi a. Ngawrh taka inpuahchah chhovin July thla chhung ngei a tan hman tura ruahmanna siam a nih thu leh cheng nuai 38 hi a bul tanna atana senso ngai zat tur a nih phawt thu a sawi a. Senso zawng zawng hi MHA tum vek tur a ni chungin hna tan hi a hmanhmawh thlak tawh si avangin Mizoram sawrkar sum lo hman phawt a ni dawn ni a thudawn a ni a. Neih sa bakah Computer, Web Camera leh hmanraw pawimawh dangte lei belh ngaite lei belh mek zel a ni bawk.

Raltlan te chhinchhiahna tur Enrolment portal hi National Informatics Centre (NIC) duan a ni a, Myanmar raltlante chhinchhiahna atan hian Foreigners Identification Portal & Biometric Enrolment (FIP&BE) chu hman a ni dawn a, he hna thawh tur atan hian District hrang hrangah a thawktu ten training an nei tawh bawk a